Minčan prosiać try dni nie chadzić na papularnyja plažy
Siońnia, 4 maja, u stalicy pravodziać apracoŭku ad klaščoŭ papularnych zon adpačynku.
Jak paviedamlaje administracyja Centralnaha rajona, śpiecyjalisty siońnia pracujuć na terytoryjach kala vadajomaŭ i ŭ prybiarežnych zonach, kab źnizić aktyŭnaść klaščoŭ.
Pad apracoŭku trapili:
plaž №6 vadaschovišča «Kamsamolskaje voziera»;
plaž №9 vadaschovišča «Drazdy»;
terytoryja ŭzdoŭž prajezda Vieśnianka;
nabiarežnaja Śvisłačy (ad vulicy Arłoŭskaj uzdoŭž ekaściežki «Akno ŭ pryrodu»).
Śpiecyjalisty zaklikajuć haradžan ustrymacca ad naviedvańnia hetych zon na praciahu troch dzion. Heta tyčycca jak adpačynku ludziej, tak i vyhułu svojskich žyvioł.