УСУ крытычна пашкодзілі Цэнтр касмічнай сувязі ў Гусі-Хрустальным за Масквою
Генштаб УСУ паведаміў пра вынікі ўдару, нанесенага ў ноч на 22 чэрвеня па Цэнтры касмічнай сувязі «Уладзімір» каля горада Гусь-Хрустальны ва Уладзімірскай вобласці Расіі.
Спадарожнікавае фота з украінскага канала Exilenova+
Паводле ўкраінскага боку, у выніку атакі была крытычна пашкоджаная галоўная 25‑метровая парабалічная антэна комплексу, а таксама антэна, размешчаная на даху галоўнага апаратна-праграмнага комплексу.
Таксама, як сцвярджаецца, значныя пашкоджанні атрымала цэнтральная частка галоўнага апаратна-праграмнага комплексу, дзе знаходзяцца залы са спадарожнікавымі мадэмамі і мультыплексарамі, а таксама цэнтральны камутацыйны вузел, да якога падведзеныя валаконна-аптычныя лініі сувязі з іншымі касмічнымі цэнтрамі.
Акрамя таго, крытычна пашкоджаны апаратна-тэхнічны корпус №1. У ім размяшчаюцца перадатачныя і прыёмныя комплексы, цэнтральная сістэма камутацыі кабельных трас антэнных пастоў цэнтра, а таксама абсталяванне для астуджэння перадатчыкаў і электронікі галоўнай антэны комплексу.
Чытайце таксама:
Генштаб УСУ паведаміў пра ўдар па цэнтры касмічнай сувязі ў Падмаскоўі
Тульская вобласць падверглася атацы дронаў
У Краснадарскім краі трэці раз за месяц атакавана і гарыць нафтабаза ў станіцы Палтаўская