У Паставах прадаюць з аўкцыёна будынак мясцовага гатэля
У Паставах на таргі выстаўлены будынак гатэля, размешчаны ў цэнтры горада. Пабудову ўзвялі ў 1973 годзе ў стылі савецкага мадэрнізму, яна мае плошчу каля 1,7 тысячы квадратных метраў.
Фота: «БУТБ-Маёмасць»
Будынак гатэля двухпавярховы, з уваходам, аздобленым калонамі. У ім размешчаны 41 нумар, а адначасова там могуць жыць да 88 чалавек. У 2006 годзе ў гатэлі праводзіўся рамонт.
Пачатковая цана аб’екта складае крыху больш за 1 мільён беларускіх рублёў. Таргі прызначаныя на 28 ліпеня і будуць праходзіць праз пляцоўку «БУТБ-Маёмасць».
Адначасова адзначаецца, што аб’ект мае шэраг абмежаванняў. Частка памяшканняў ужо здадзена ў арэнду да 2030 года, а змена прызначэння будынка магчымая толькі з дазволу мясцовых уладаў.
Чытайце таксама:
У Віцебску прадаюць будынак былога хедэра, дзе вучыўся Марк Шагал