У Столінскім раёне двое мужчын перакуліліся на самаробным грузавіку
Здарэнне адбылося 7 ліпеня каля 15:16 у вёсцы Альманы Столінскага раёна, паведамляе УУС Брэсцкага аблвыканкама.
Фота: УУС Брэсцкага аблвыканкама
52‑гадовы мужчына кіраваў незарэгістраваным транспартным сродкам. У пэўны момант ён набраў небяспечную хуткасць, страціў кіраванне, з'ехаў на абочыну і машына перакулілася.
У выніку аварыі 43‑гадовы пасажыр грузавіка атрымаў траўмы і быў дастаўлены ў бальніцу.
Устаноўлена, што кіроўца грузавіка ніколі не меў пасведчання для кіравання. У яго і пасажыра ўзятыя ўзоры крыві для вызначэння, ці знаходзіліся яны ў стане алкагольнага ап'янення.