U Stolinskim rajonie dvoje mužčyn pierakulilisia na samarobnym hruzaviku
Zdareńnie adbyłosia 7 lipienia kala 15:16 u vioscy Almany Stolinskaha rajona, paviedamlaje UUS Bresckaha abłvykankama.
Fota: UUS Bresckaha abłvykankama
52‑hadovy mužčyna kiravaŭ niezarehistravanym transpartnym srodkam. U peŭny momant jon nabraŭ niebiaśpiečnuju chutkaść, straciŭ kiravańnie, źjechaŭ na abočynu i mašyna pierakuliłasia.
U vyniku avaryi 43‑hadovy pasažyr hruzavika atrymaŭ traŭmy i byŭ dastaŭleny ŭ balnicu.
Ustanoŭlena, što kiroŭca hruzavika nikoli nie mieŭ paśviedčańnia dla kiravańnia. U jaho i pasažyra ŭziatyja ŭzory kryvi dla vyznačeńnia, ci znachodzilisia jany ŭ stanie ałkaholnaha apjanieńnia.