У Варшаве развіталіся з пісьменніцай Святланай Курс
Больш за год яна змагалася з ракам і наказвала іншым радавацца жыццю.
Развітанне са Святланай Курс. Фота тут і далей: LookByMedia
У нядзелю ў Варшаве развіталіся з пісьменніцай Святланай Курс. Правесці яе ў апошні шлях прыйшлі родныя, сябры і адданыя чытачы. Цела пісьменніцы крэміравалі.
Святлана памерла 20 ліпеня ў 54 гады. Больш за год яна змагалася з ракам і апошні час была ў бальніцы.
Раман пісьменніцы «Па што ідзеш, воўча?», які выйшаў у 2020-м, стаў адным з найлепшых беларускіх твораў XXI стагоддзя. У 2021 годзе за гэты раман пісьменніца атрымала Прэмію імя Ежы Гедройця. Раман быў перакладзены на нямецкую, польскую, шведскую, літоўскую, нарвежскую, англійскую ды іншыя мовы, адкрываючы закручаную і жудасную беларускую гісторыю для еўрапейскага чытача.
Чытайце таксама:
«Ні пра што не шкадуй, Света. Жыве Беларусь». Святлана Курс напісала ліст самой сабе, 15‑гадовай