U Varšavie raźvitalisia ź piśmieńnicaj Śviatłanaj Kurs
Bolš za hod jana zmahałasia z rakam i nakazvała inšym radavacca žyćciu.
Raźvitańnie sa Śviatłanaj Kurs. Fota tut i dalej: LookByMedia
U niadzielu ŭ Varšavie raźvitalisia ź piśmieńnicaj Śviatłanaj Kurs. Pravieści jaje ŭ apošni šlach pryjšli rodnyja, siabry i addanyja čytačy. Cieła piśmieńnicy kremiravali.
Śviatłana pamierła 20 lipienia ŭ 54 hady. Bolš za hod jana zmahałasia z rakam i apošni čas była ŭ balnicy.
Raman piśmieńnicy «Pa što idzieš, voŭča?», jaki vyjšaŭ u 2020-m, staŭ adnym z najlepšych biełaruskich tvoraŭ XXI stahodździa. U 2021 hodzie za hety raman piśmieńnica atrymała Premiju imia Ježy Hiedrojcia. Raman byŭ pierakładzieny na niamieckuju, polskuju, šviedskuju, litoŭskuju, narviežskuju, anhlijskuju dy inšyja movy, adkryvajučy zakručanuju i žudasnuju biełaruskuju historyju dla jeŭrapiejskaha čytača.