Čuma śviniej raspaŭsiudziłasia na Viciebščynu
Hety fakt paćvierdzili vietsłužby Biełarusi i rasijskija navukoŭcy.
Pra heta paviedamlajecca na sajcie Departamienta vieterynarnaha i charčovaha nahladu Minsielhascharču.
Viedamstva infarmuje, što 2 lipienia 2013 Biełaruskim dziaržaŭnym vieterynarnym centram u patałahičnym materyjale, adabranym ad piaci trupaŭ śviniej, jakija naležać filijału «Łučosa» AAT «Viciebski kambinat chlebapraduktaŭ", vyjaŭleny hienietyčny materyjał uzbudžalnika afrykanskaj čumy śviniej (AČS).
3 lipienia dyjahnaz byŭ paćvierdžany ŭ Dziaržaŭnaj navukovaj ustanovie «Usierasijski navukova-daśledčy instytut vieterynarnaj virusałohii i mikrabijałohii» (h. Pakroŭ, RF), jakaja źjaŭlajucca refierentnym centram Mižnarodnaha epizaatyčnaha biuro.
Dziaržaŭnaj vieterynarnaj słužbaj Respubliki Biełaruś pravodzicca kompleks mierapryjemstvaŭ pa likvidacyi ačaha i niedapuščeńni raspaŭsiudžvańnia zachvorvańnia. Havorycca na sajcie Departamienta.
Nahadajem, što 21 červienia pra ŭspyšku AČS u Hrodzienskim rajonie paviedamiŭ Raśsielhasnahlad. Uśled za im infarmacyju paćvierdzili vietsłužby Biełarusi.
25 červienia pry Saŭminie byŭ stvorany admysłovy štab na čale z namieśnikam premjer-ministra Biełarusi Michaiłam Rusym. Zadača štaba — «pryniaćcie apieratyŭnych rašeńniaŭ i kaardynacyi situacyi pa baraćbie z čumoj śviniej».