Raśsielhasnahlad: U Hrodzienskaj vobłaści afrykanskaja čuma śviniej
Raśsielhasnahlad z 21 červienia ŭvioŭ časovyja abmiežavańni na ŭvoz u Rasiju adpaviednaj pradukcyi z Hrodzienščyny.
Pieršapačatkova heta infarmacyja pryjšła z Rasii. Pa vusnaj infarmacyi kiraŭnictva dziaržaŭnaj vieterynarnaj słužby Respubliki Biełaruś u Hrodzienskim rajonie zarehistravanaja afrykanskaja čuma śviniej (AČS), — paviedamiŭ sajt Raśsielhasnahladu. — U hetaj suviazi Raśsielhasnahladam z 21 červienia ŭviedzieny časovyja abmiežavańni na ŭvoz u Rasijskuju Fiederacyju śviniej, śvininy i miasnych praduktaŭ ź jaje z Hrodzienskaj vobłaści Biełarusi da asablivaha ŭkazańnia.
U Departamiencie vieterynarnaha i charčovaha nahladu Biełarusi karespandentu «NN» paćvierdzili infarmacyju, ahučanuju Raśsielhasnahladam.
Nieŭzabavie na sajcie departamienta źjavilisia padrabiaznaści.
«Departamient vieterynarnaha i charčovaha nahladu Ministerstva sielskaj haspadarki i charčavańnia infarmuje, što 21 červienia Biełaruskim dziaržaŭnym vieterynarnym centram u patałahičnym materyjale, atrymanym ad trupa śvińni, jaki naležyć žycharu vioski Čapuń Iŭjeŭskaha rajona, Hrodzienskaj vobłaści, vyjaŭleny hienietyčny materyjał ŭzbudžalnika afrykanskaj čumy śviniej (AČS).
Dziaržaŭnaj vieterynarnaj słužbaj Respubliki Biełaruś pravodzicca kompleks mierapryjemstvaŭ pa likvidacyi ačaha i niedapuščeńni raspaŭsiudžvańnia zachvorvańnia», — havorycca ŭ paviedamleńni.
Afrykanskaja čuma śviniej hubić amal 100% parsiukoŭ. Dla čałavieka jana niebiaśpieki nie ŭjaŭlaje.
Nahadajem, što za apošnija miesiacy paviedamleńni pra mor i masavy zaboj śviniej prychodziać z roznych rehijonaŭ Biełarusi.Adna z apošnich padobnych navin pryjšła ź Viciebščyny. U troch vioskach Viciebskaha rajona — Lipaŭcy, Šapiečyna i Asinaŭka — u nasielnictva kanfiskavali i źniščyli śviniej, jakich trymali ŭ asabistych prysiadzibnych haspadarkach. Matyvujecca heta niejkaj epidemijaj, ale jakaja mienavita haspadaram žyvioł nie kažuć.
Kolki dzion tamu prychodzili naviny z Vałožynskaha i Staŭbcoŭskaha rajonaŭ. U pačatku maja masavy zaboj śviniej adbyŭsia na śvinakompleksie «Uschodni» pad Baranavičami.
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary