Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu
«Vašy nieparazumieńni nam niezrazumiełyja», — adrezaŭ Jarasłaŭ Čarnahor.
Pasoł Ukrainy pa pytańniach Biełarusi Jarasłaŭ Čarnahor rezka adreahavaŭ na čarhovuju svarku biełaruskaj apazicyi ŭ fejsbuku. Aktyvistka dyjaspary Alena Žarkievič z dapamohaj ŠI napisała manifiest, u jakim aburyłasia vykazvańniami Franaka Viačorki ŭ efiry Biełsata. Toj adkazaŭ joj, heta vyklikała abmierkavańnie na 250 kamientaroŭ.
«Moža, mnie stvaryć zakryty čat, i vy vyśvietlicie pamiž saboj stasunki? Bo vaša ŭzajemnaja nieprymalnaść adyhryvaje vielmi niekanstruktyŭnuju rolu», — adkazaŭ Čarnahor, tehnuŭšy Alenu Žarkievič, jašče dvuch aktyvistaŭ dyjaspary, a taksama Franaka Viačorku.
«Alena Žarkievič, dla ŭkraincaŭ vy ŭsie — apazicyja režymu Łukašenki, tamu vašy nieparazumieńni nam niezrazumiełyja», — paŭtaryŭ jon.
«Kali na mižnarodnych placoŭkach buduć pradstaŭniki APK ci inšych arhanizacyj, ja budu kamunikavać ź imi ŭsimi. Hetak ža ŭ Kijevie ja budu kamunikavać jak z Alenaj Žarkievič, z vami ci Alaksiejem Franckievičam, tak i sa Śviatłanaj Cichanoŭskaj ci Viktaram Babarykam, i ź lubym biełarusam ci biełaruskaj, jakija nie demanstrujuć antyŭkrainskuju pazicyju», — zapeŭniŭ Čarnahor Taćcianu Hacuru-Javorskuju.
«Kali ŭ vas asabista da Śviatłany Cichanoŭskaj i Franaka Viačorki jość niejkija pytańni, to heta nie značyć, što takija ž pytańni da ich jość z boku Ukrainy», — padsumavaŭ jon, adkazvajučy trolu.
Čytajcie taksama. Novy pasoł Ukrainy pa pytańniach Biełarusi: «Pryznajom Cichanoŭskuju lidaram. A ŭ Łukašenki niama manapolii na hołas naroda»
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Nie viernuliś v stranu,nie osvobodili ot okupantov i sidia nie v Biełarusi viečno kakije-to skłoki