U Zelvie pamior Jury Kačuk — hramadska-kulturny dziejač, vydaviec, kalekcyjanier, mastak i krajaznaŭca. Pra jaho śmierć paviedamiŭ u fejsbuku Uładzimir Chilmanovič.
«Jurka Kačuk vielmi šmat zrabiŭ pa ŭšanavańni pamiaci Łarysy Hienijuš. Nie stała jašče adnaho ščyraha biełaruskaha patryjota. Viečnaja pamiać…», — napisaŭ Chilmanovič.
Jury Kačuk viadomy tym, što napisaŭ i vydaŭ knihu «Moc smaku», jakuju pryśviaciŭ tradycyjnym biełaruskim receptam, piša vydańnie Hrodna.life.
U knihu ŭvajšło kala 350 receptaŭ, pieravažna z zachodnich rehijonaŭ Biełarusi, a taksama Biełastoččyny. Kožnuju sa straŭ aŭtar hatavaŭ sam, dehustavaŭ i rabiŭ fota.
«U nas šmat što stračana, šmat skradziena, šmat da čaho svajho my sa źjedlivaściu stavimsia. A druhija padymuć heta, adrazu heta ŭ ich robicca nacyjanalnaj abo łakalnaj kaštoŭnaściu», — kazaŭ Kačuk.
Dyzajn dla vydańnia Jury raspracoŭvaŭ sam. Knihu nadrukavali ŭ polskim vydaviectvie. Dziela realizacyi prajektu Kačuk pradaŭ svaju kvateru.
Taksama jon vydavaŭ krajaznaŭčy časopis «Bez», pryśviečany historyi Zelvienščyny, i abaraniaŭ pomnik Łarysie Hienijuš, jaki miascovyja ŭłady chacieli źnieści.
U Juryja była dačka Julija — žančyna žyła ŭ Prazie i zajmałasia mastactvam. U 2017 hodzie Julija trahična zahinuła ŭ Čechii.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Chto mo padkaža dzie možna nabyć jaho knihu “Smak”???