Ispanija vyrvała pieramohu ŭ Bielhii i vyjšła ŭ paŭfinał čempijanatu śvietu
Zbornaja Ispanii stała druhim paŭfinalistam čempijanatu śvietu pa futbole 2026 hoda, pieramohšy ŭ čverćfinale kamandu Bielhii ź likam 2:1. Matč prajšoŭ na stadyjonie SoFi Stadium u amierykanskim Inhłvudzie.
Lik u matčy na 30‑j chvilinie adkryŭ paŭabaronca ispancaŭ Fabijan Ruis, jaki pieršym apynuŭsia na dabivańni paśla ŭdaru Dani Olma i sejva bramnika bielhijcaŭ Tybo Kurtua.
Jašče da pierapynku Bielhija zdoleła adyhracca. Na 41‑j chvilinie Šarl de Kietełare hałavoj zamknuŭ navies Cimaci Kastania i ŭpieršyniu na hetym turniry prymusiŭ zbornuju Ispanii prapuścić hoł.
U druhim tajmie klučavym momantam stała traŭma Tybo Kurtua. Bramnik, jaki niekalki razoŭ vyratavaŭ svaju kamandu, nie zmoh praciahnuć sustreču i na 71‑j chvilinie byŭ zamienieny na Siene Łamiensa, dla jakoha heta byŭ tolki treci matč za nacyjanalnuju zbornuju.
Pieramohu dziejnym čempijonam Jeŭropy prynios Mikiel Mieryna. Na 88‑j chvilinie Łamiens nie zdoleŭ nadziejna zafiksavać daloki ŭdar Paŭ Kubarsi, i Mieryna pieršym paśpieŭ na dabivańnie, adpraviŭšy miač u sietku.
U paŭfinale čempijanatu śvietu Ispanija sustreniecca sa zbornaj Francyi, jakaja raniej pieramahła Maroka ź likam 2:0. Matč adbudziecca 14 lipienia.
Astatnija dva ŭdzielniki paŭfinalnaj stadyi vyznačacca paśla matčaŭ Narviehija — Anhlija i Arhiencina — Šviejcaryja.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary
Hulnia vyhladała zusim nie takoj biezdakornaj jak z Partuhalijaj.
Paŭtora 2010 napeŭna nia budzie.
Čakaju bitvu futbolnych fiłasofij z Francyjaj:
Pyrski šampanskaha vs cianučy turon.