Jon jašče razmaŭlaŭ u śnie, čym zaminaŭ susiedziam spać.
Biełarusa D.Ju. — imia i proźvišča całkam nie nazyvajucca — zabili ŭ rasijskim Padolsku ŭnočy 3 śniežnia 2023 hoda.
Trahiedyja adbyłasia ŭ «rabočym domie» — žylli, jakoje dajuć ludziam u składanaj žyćciovaj situacyi ŭ abmien na pracu. Rasijanin Jaŭhien Mieščarakoŭ, jaki byŭ tam za staršaha, pasialiŭ na načleh nieznajomaha mužčynu, hramadzianina Biełarusi D.Ju. Biełarus z 2010 hoda zarablaŭ u Maskoŭskaj vobłaści, časta złoŭžyvaŭ ałkaholem.
Byŭ mocna pjany jon i hetym razam. Nočču chrop i razmaŭlaŭ u śnie, čym zaminaŭ inšym nasielnikam doma spać.
Mieščarakoŭ niekalki razoŭ zachodziŭ u pakoj patrabavać cišyni. Kali prośby nie dapamahli, jon nanios mužčynu nie mienš za piać udaraŭ rukami ŭ hałavu — pavodle śviedki, čuvać było charakternyja huki ŭdaraŭ praź ścianu. Paciarpieły zacich. Paźniej Mieščarakoŭ z dapamohaj inšaha nasielnika doma pieranios jaho, užo akryvaŭlenaha, u susiedni, ciaplejšy pakoj i pakinuŭ da ranicy. Ranicaj, kala 5 hadzin, jon zrazumieŭ, što mužčyna nie dychaje, i vyklikaŭ chutkuju — taja kanstatavała śmierć biełarusa.
Sudova-miedycynskaja ekśpiertyza vyjaviła ŭ D. Ju. zakrytuju čerapna-mazhavuju traŭmu z subduralnaj hiematomaj, jakaja pryviała da ściskańnia mozhu i była pramoj pryčynaj śmierci.
Mieščarakoŭ pryznaŭ vinu. Jamu prysudzili 7 hadoŭ kałonii strohaha režymu za naŭmysnaje pryčynieńnie ciažkaj škody zdaroŭju, jakoje ź nieaściarožnaści pryviało da śmierci.
Ciapier čytajuć
Za «ekstremisckija» padpiski pry praviercy na miažy bolš nie sadžajuć na sutki15
Za «ekstremisckija» padpiski pry praviercy na miažy bolš nie sadžajuć na sutki
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary