U Biełarusi z 12 lipienia pačynajecca pryjom dakumientaŭ dla pastupleńnia ŭ vyšejšyja navučalnyja ŭstanovy na ahulnych padstavach.
Abituryjenty mohuć padać dakumienty jak asabista ŭ paradku žyvoj čarhi, tak i praz elektronnuju čarhu. Dla hetaha treba zahadzia vybrać datu i čas naviedvańnia pryjomnaj kamisii praz asabisty kabiniet na sajcie Respublikanskaha instytuta kantrolu viedaŭ. Tam ža možna paznačyć patrebnyja ŭniviersitet, fakultet i śpiecyjalnaść.
U Ministerstvie adukacyi adznačyli, što sioleta kala pałovy abituryjentaŭ płanujuć skarystacca z elektronnaj čarhi. U suviazi z hetym u vyšejšych navučalnych ustanovach pavialičyli kolkaść pracoŭnych miescaŭ u pryjomnych kamisijach, kab pryniać usich achvotnych u vybrany imi čas.
Pryjom dakumientaŭ na ahulnych padstavach budzie doŭžycca z 12 pa 17 lipienia. Dla asobnych śpiecyjalnaściaŭ siłavoha profilu hety termin praciahniecca da 19 lipienia, a dla vypusknikoŭ profilnych kłasaŭ — da 14 lipienia.
Taksama paviedamlajecca, što sioleta na metavaje navučańnie płanujecca zaličyć bolš za šeść tysiač čałaviek. Pry hetym užo padadziena bolš za dzieviać tysiač zajavak, a zaličeńnie na metavyja miescy pavinna zaviaršycca 11 lipienia.
Kamientary