Jon vypraviŭsia ŭ pachod z 32‑hadovym izrailcianinam. Padčas kamieniapadu zahinuli abodva alpinisty.
U niadzielu, 12 lipienia, na hary Materchorn zahinuli dva alpinisty — 32‑hadovy izrailcianin Ałam Fares i jaho naparnik pa ŭzychodžańni, hramadzianin Biełarusi. Pra heta paviedamlajuć šviejcarskija ŚMI i vydańnie Ynet, jakoje ŭziało intervju ŭ svajakoŭ zahinułaha izrailcianina.
Pavodle šviejcarskaj prakuratury kantona Vale, zdareńnie adbyłosia kala 11‑j hadziny ranicy na vyšyni prykładna 4030 mietraŭ padčas spusku ź viaršyni.
Dziadźka Ałama Faresa raskazaŭ, što plamieńnik vypraviŭsia ŭ Šviejcaryju ŭ sieradu razam z naparnikam ź Biełarusi. Dasiahnuŭšy viaršyni, Ałam paviedamiŭ, što ŭsio dobra, i pačaŭ spusk. Praź niekalki hadzin suviaź ź im źnikła. Śviedki na miescy paviedamili, što bačyli, jak dva čałavieki ŭpali ŭ vyniku kamieniapadu.
Ratavalnaja apieracyja z vykarystańniem viertalotaŭ doŭžyłasia kala čatyroch hadzin. Paśla dźviuch hadzin pošuku byli znojdzienyja dva cieły, jakija adpaviadali apisańniu alpinistaŭ.
Pavodle siamji, na ciele biełaruskaha alpinista znajšli pašpart, što dazvoliła identyfikavać jaho hramadzianstva, adnak jaho imia pakul publična nie nazyvałasia.
Ciapier čytajuć
«Ni pra što nie škaduj, Śvieta. Žyvie Biełaruś». Śviatłana Kurs napisała list samoj sabie, 15‑hadovaj6
«Ni pra što nie škaduj, Śvieta. Žyvie Biełaruś». Śviatłana Kurs napisała list samoj sabie, 15‑hadovaj
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1818
Kamientary