U Vilni ad imia miedyja prapanoŭvali hrošy za zdymki «Čarnobylskaha šlachu»
U Vilni nieviadomyja asoby, pradstaŭlajučysia supracoŭnikami vydańnia «Chodorkovskij LIVE», prapanoŭvali hrošy za zdymku akcyi «Čarnobylski šlach». Pra heta paviedamiła sama redakcyja, atrymaŭšy skrynšoty z telehram-čata ŭkraincaŭ u Litvie, piša Biełaruskaja asacyjacyja žurnalistaŭ.
26 krasavika ŭ Vilni pavinna prajści akcyja, pryśviečanaja 40‑hodździu katastrofy na Čarnobylskaj AES.
Pavodle skrynšotaŭ pierapiski, karystalnik pad nikam Neice Ley prapanoŭvaŭ «padpracoŭku»: pryjści na mitynh, zrabić niekalki kadraŭ i atrymać za heta 150 dalaraŭ. Apłatu abiacali ŭ kryptavalucie. Pry hetym aŭtar paviedamleńniaŭ nazyvaŭ siabie supracoŭnikam miedyja.
U redakcyi «Chodorkovskij LIVE» padkreślili, što nie majuć nijakaha dačynieńnia da hetaj rassyłki.
«Našy supracoŭniki zaŭsiody pracujuć pad svaimi imionami i mohuć paćvierdzić svaju asobu», — adznačyli tamtejšyja miedyjščyki. Jany dadali, što pakul nieviadoma, chto staić za takimi paviedamleńniami.
Heta nie pieršy padobny vypadak u Vilni. Raniej «Radyjo Svaboda» apublikavała rasśledavańnie pra anałahičnuju schiemu: ukrainskim studentam prapanoŭvali hrošy nibyta za zdymki dla «Novaja hazieta. Jevropa». Paźniej hetyja videa z tvarami ŭdzielnikaŭ akcyi byli pakazanyja na dziaržaŭnym telebačańni Biełarusi.
Adzin z udzielnikaŭ toj historyi paćvierdziŭ žurnalistam, što sapraŭdy zdymaŭ akcyju i atrymaŭ apłatu ŭ kryptavalucie, nie viedajučy, kamu nasamreč pieradaje materyjały.
***
Kali vy žyviacie ŭ Litvie, to možacie padtrymać «Našu Nivu» častkaj vašaha padachodnaha padatku. Heta nie budzie kaštavać vam ani centa.
Vy prosta pieranakirujecie 1,2% ad užo spłačanaha vami padatku pry padačy štohadovaj dekłaracyi.
Voś padrabiaznaja instrukcyja, ja heta zrabić, kali vy pracujecie ŭ Litvie.
Zapłacili pa 70 dalaraŭ. Chto zdymaŭ udzielnikaŭ Dnia Voli ŭ Vilni dla biełaruskich śpiecsłužbaŭ
Fejkavaja žurnalistka «Novoj haziety. Jevropa» sprabuje naniać na pracu viadomych biełarusaŭ — prapanovy atrymali Łosik, Rahatko
U Vilni taksama projdzie «Čarnobylski šlach»
«Čarnobylski šlach» u hetym hodzie projdzie pad łozunham «Za niezaležnuju biaźjadziernuju Biełaruś»
Biełarusy Varšavy padali zajaŭku na praviadzieńnie Čarnobylskaha šlachu
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary