Fejkavaja žurnalistka «Novoj haziety. Jevropa» sprabuje naniać na pracu viadomych biełarusaŭ — prapanovy atrymali Łosik, Rahatko
«My ŭ niekatorym rodzie taksama źjaŭlajemsia apazicyjnym ŚMI».
Nieviadomyja asoby, prykryvajučysia imiem rasijskaj žurnalistki Iryny Harynaj, pasprabavali ŭciahnuć u svaju pravakacyju byłuju hałoŭnuju redaktarku partała KYKY.org Naściu Rahatko, a taksama błohiera, byłoha palitviaźnia Ihara Łosika, prapanavaŭšy im sumnieŭnaje supracoŭnictva.
Niekalki dzion tamu Naści Rahatko pryjšło paviedamleńnie ad karystalnika Facebook Irina Garina. Akaŭnt stvorany ŭ mai 2025 hoda. Tekstam paviedamleńnia Nasta padzialiłasia z redakcyjaj Reform.news:
«Anastasija, vitaju. Ja pradstaŭlaju vydańnie «Novaja hazieta Jevropa». My ŭ niekatorym rodzie taksama źjaŭlajemsia apazicyjnym ŚMI, tolki pracujem pa procidziejańni prapahandzie RF. Zaraz u nas adkryvajecca paŭnavartasny biełaruski kirunak. My b chacieli vam prapanavać pracu pa analizie palityčnaj abstanoŭki i prablemnych aśpiektaŭ unutry «režymu». My vyvučyli vašy sacsietki, vy vielmi talenavity lidar mierkavańnia i piśmieńnik)) My zacikaŭleny ŭ vašaj kandydatury. Pa apłacie vašych rabot my mahli b damovicca na sumoŭi. Ja hatova vam prapanavać na 20.02.2026. Čakaju ź nieciarpieńniem vaš adkaz. Z pavahaj, Iryna Haryna».
Padobnaje paviedamleńnie atrymaŭ i Ihar Łosik. «KDB zabaŭlajecca, nie adnamu mnie ŭžo pryjšło takoje fejkavaje paviedamleńnie ad hetaha akaŭnta, ale fejsbuk jaho adpraviŭ u spam. Mianie paradavała słova «režym» u dvukośsiach. Šcirlic jašče nikoli nie byŭ tak blizka da pravału», — napisaŭ błohier.
Redakcyja Reform.news źviarnułasia da «Novoj haziety. Jevropa» z prośbaj vieryfikavać paviedamleńnie.
«Dziakuj vam za ŭvažlivaść i za toje, što napisali, heta znoŭ fejkavaja Iryna Haryna! Naša Iryna Haryna nie zajmajecca Biełaruśsiu, a my nie adkryvajem biełaruskuju redakcyju, u nas jość śpieckar pa Biełarusi ŭ štacie», — raspaviali tam.
Heta nie pieršaja pravakacyja z udziełam fejkavaj Irina Garina. U červieni 2025 hoda pres-słužba NAU atrymała zapyt na intervju ŭ Paŭła Łatuški nibyta ad žurnalistki vydańnia «Novaja hazieta Jevropa» Iryny Harynaj. U zapycie prapanoŭvaŭsia ŭdzieł u zdymkach poŭnamietražnaha dakumientalnaha filma pra supraciŭ Jeŭropy ahresii z boku Rasii i Biełarusi. U toj raz byŭ vykarystany fejkavy fejsbuk-akaŭnt Irina Garina, stvorany jašče ŭ 2022 hodzie.
-
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było
-
20‑hadovaha minčuka zatrymali pierad tym, jak jon paśpieŭ pradać pieršuju dozu narkotyku 16‑hadovaj dziaŭčynie
-
U Mahilovie staŭ pracavać adkryty skaładrom. Jon samy vysoki ŭ Biełarusi
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary
Rahatka - asabista mnie biez roźnicy, chaj choć sałaŭjovu