«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było
Paśla taho, jak prezident Ukrainy Uładzimir Zialenski zajaviŭ pra toje, što z 22 červienia retranślatary na biełaruskaj terytoryi, praź dziejnaść jakich jon rabiŭ ultymatum Łukašenki, adklučanyja, łukašenkaŭskija prapahandysty stali ŭ adzin hołas pierakonvać, što nasamreč nijakich retranślataraŭ nie było i ŭ pryrodzie. Vyhladaje, što takaja pazicyja stanie dla prapahandy asnoŭnaj dla taho, kab zachavać tvar.
Jak śćviardžaje Alaksiej Dziermant, «my naohuł nie bačyli nijakich dokazaŭ ich isnavańnia». Zialenski ž, maŭlaŭ, sam spałochaŭsia svajho ultymatuma, bo jamu «dachodliva daviali, jaki budzie adkaz ad Biełarusi, u tym liku pa im samim, jaho siamji i majomaści».
«Usio jak i pradkazvałasia — spačatku pahrozu prydumaŭ, potym sam jaje pieramoh. Niachaj miedalku sabie vypiša», — u ton jamu zajaŭlaje Ryhor Azaronak.
«Nu što, pamiatajecie moj post paśla pahroz Zielenskaha na adras Minska? Ja tady napisaŭ, što praz čas jon zajavić, što retranślatary prybrali», — chvalicca telehram-kanał «Biełorusskij siłovik».
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?
Jakija retranślatary na miažy maje na ŭvazie Ukraina?
«Ciapier u momancie padajecca žorstkim i praźmiernym». Špakoŭski raić Rasii ŭžyć jadziernuju zbroju
Paśla ŭltymatumu Zialenskaha retranślatary adklučyli? Apošnija dni rasijskija bieśpiłotniki nie nakiroŭvajucca ŭzdoŭž biełaruska-ŭkrainskaj miažy
Što za Biełaruskaja vyzvolnaja armija, čyj znak zaŭvažyli ŭ zvarocie Zialenskaha z ultymatumam da Łukašenki?
Kamientary
Bo mohuć niešta i padpalić kab ŭžo iłhać nie atrymałasia.
Lepš by maŭčali. Mahli b paličyć za razumnych.
Niachaj kažuć što chočuć, aby nie ŭciahvali nas u vajnu.
Asoba jarych prarasiejskich treba pacichu prybrać z hałoŭnych telekanałaŭ i haziet kudy-niebudź na pavyšeńnie - hałoŭnymi redaktarami u viaskovuju hazietu "čyrvony kałhas" pisać pra nadoi i ŭradžai.
I pavysili, i rot zakinuli, kab na Rasieju nie pracavali.