«Ja liču, što lepš by nikoha nie vypuskali, ale zastalisia b hetyja sankcyi»
Eks-palitviazień Kim Samusienka ŭ novym vypusku «ČiestnOK-LIVE» vykazaŭ svajo mierkavańnie nakont pracesu vyzvaleńnia palitviaźniaŭ.
32‑hadovaha zasnavalnika i siabra Rady hramadskaha ruchu «Dzieja» Kima Samusienku zatrymali 3 listapada 2020 hoda. Jaho abvinavacili va ŭzłomie kampjutarnaj sistemy Minharvykankama, a taksama va ŭdziele ŭ dziejańniach, jakija, pavodle śledstva, hruba parušali hramadski paradak u Minsku paśla prezidenckich vybaraŭ 9 žniŭnia.
U vyniku Samusienku asudzili pa šaści artykułach Kryminalnaha kodeksa na šeść z pałovaj hadoŭ pazbaŭleńnia voli. 19 sakavika hetaha hoda jon byŭ raniej za termin vyzvaleny i departavany ŭ Litvu.
U razmovie z Alaksandram Ivulinym Kim Samusienka padkreśliŭ, što nie ličyć mahčymym «pieraharnuć staronku».
«Pakul unizie hetaj staronki nie budzie pastaŭleny prysud tamu, što adbyvałasia, my nikudy hetuju staronku nie padzieniem».
«To bok tezisy Babaryki i Kaleśnikavaj nie tvaje?» — udakładniŭ Ivulin.
«Navat nie pobač. Ja razumieju, pra što jany kažuć, i šmat chto moža ich padtrymlivać. Bolšaść palitzekaŭ, nakolki ja razumieju, nie padzialajuć maju dumku, ale ja liču, što lepš by nikoha nie vypuskali, ale zastalisia b hetyja sankcyi», — adkazaŭ Samusienka.
Tłumačačy svaju pazicyju, były palitviazień nahadaŭ, što hałoŭnaj metaj pratestaŭ było prymuści sistemu źmianicca. I sankcyi jon ličyć adnym z varyjantaŭ hetaha dasiahnuć.
«Kali nie budzie hrošaj.. Jany raniej pojduć damaŭlacca, kali ich užo budzie realna padpiakać.
A tak atrymlivajecca, što my zmahalisia za toje, kab sistema źmianiłasia, a nam kažuć: «Ok. Vy piać hadoŭ pasiadzieli, małajcy», — tłumačyć mužčyna.
Pry hetym były palitviazień padkreśliŭ, što ŭdziačny ŭsim, chto spryjaŭ jaho vyzvaleńniu, i choča, kab jak maha chutčej vyjšli na volu astatnija.
Adnak, pavodle jaho słoŭ, kali za vyzvaleńnie niekalkich socień čałaviek asłablajecca mižnarodny cisk, heta dazvalaje ŭładam adnavić siły i praciahnuć represii:
«Z punktu hledžańnia ahulnaj baraćby, heta niemetazhodna. Vypuścili 500 čałaviek, za heta troški adpuścili hetuju ŭdavačku z šyi. Tam jany ŭzdychnuć, nabiaruć [pavietra] i represii praciahnucca. Jašče niekalki hadoŭ jany zmohuć vytrymać, sadzić novych ludziej».
Samusienka zaŭvažaje, što za kratami zastajucca mnohija ludzi, pra jakich šyrokaja hramadskaść navat nie viedaje, i źjaŭlajucca novyja palitviaźni, «jakija piać hadoŭ atrymali. I buduć inšyja ludzi, jakija pamruć tam, złamajuć zdaroŭje tam».
«Na moj pohlad, heta maja piersanalnaja dumka: va ŭsich roznyja historyi, i kamuści realna treba było vychodzić — zdaroŭje, blizkija, prosta jon złamaŭsia, nie vytrymaŭ. Ale na moj pohlad, lepš by, kab my siadzieli, čym zdymali b hetyja sankcyi», — davodzić Samusienka.
Ciapier čytajuć
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać1
Kamientary
Eks-palitviazień jaki žyvie ŭ EZ NA voli (i ty na voli), kaža što inšyja pavinny siadzieć , niachaj viartajecca i siadzić za inšych jon nie budzie vyrašać .