Jak zvyčajnaja krejda moža dapamahčy źnizić śpioku ŭ domie

Pakul u mnohich krainach sprabujuć ratavacca ad śpioki kandycyjanierami, francuzy ŭspomnili stary srodak — Blanc de Meudon — zdroblenaja ŭ parašok naturalnaja krejda. Zvyčajna hety materyjał užyvajuć jak pihmient dla farbaŭ abo srodak dla čystki. Jašče adno jaho tradycyjnaje prymianieńnie — naniasieńnie na šklanyja vitryny padčas ramontu, kab zrabić ich nieprazrystymi. Sadoŭniki taksama nanosiać jaho na škło ciaplic, kab abaranić raśliny ad zanadta jarkaha sonca.

Ale padčas ekstremalnaj śpioki Blanc de Meudon niečakana staŭ papularnym jak prosty sposab abaranić žyllo ad sonca. Jak paviedamlajuć francuzskija ŚMI, popyt na jaho vyklikaŭ deficyt tavaru pa ŭsioj krainie, kali słupok termomietra pierasiahnuŭ adznaku +40°C.

Recept prosty: krejdu źmiešvajuć z vadoj i nanosiać atrymanuju sumieś na akonnaje škło. Paśla vysychańnia ŭtvarajecca biełaje matavaje pakryćcio. Jano prapuskaje ŭ pakoj dastatkova miakkaha dzionnaha śviatła, kab nie žyć u poŭnaj ciemry, ale pry hetym stvaraje efiektyŭny barjer dla infračyrvonaha vypramieńvańnia, jakoje i źjaŭlajecca hałoŭnaj krynicaj nahravańnia.

@daphneblt J'ai testé l'astuce du blanc de Meudon ‍♀️ Comme vous j'ai vu passer cette astuce partout sur mon fil d'actualité, si bien que je n'arrivais pas à en trouver, tous les magasins étaient en rupture de stock Le dosage : 1 dose de poudre + 1 dose d'eau et ça forme une pâte un peu liquide à appliquer sur les fenêtres pour réfléchir la lumière (en théorie) ☀️ Et le blanc de Meudon c'est de la craie donc réduire en poudre des craies ou bien utiliser de la poudre d'argile blanche c'est la même chose Mon verdict : c'est mieux que rien et je suis passée de 36/37 à 35 degrés dans mon appartement parisien sous les toits (cc Yann Barthès ) orienté sud Bon c'est mieux que rien, évidemment si vous avez des recos je suis preneuse, parler de l'aluminium qui apparemment colle aux vitres et de la couverture de survie qui visiblement réchauffe les voisins d'en face Bon courage à tous et allez voter en 2027, vu l'état actuel des choses c'est le geste avec le plus d'impact qu'on puisse faire (avec le fait de manger moins de viande ) ✨️ Une dernière pensée à Bernard Arnault qui a probablement pas du tout aussi chaud que nous dans son yatch, son jet privé, sa villa climatisée ou son île privée. ☠️ #consommationresponsable #consommermieux #astuce #blancdemeudon #ecoresponsable ♬ son original - daphneblt

Navukovyja daśledavańni śviedčać, što ŭ hetaha prostaha sposabu sapraŭdy jość navukovaje abhruntavańnie. Biełyja pavierchni adbivajuć soniečnyja pramiani značna lepš za ciomnyja, jakija pahłynajuć ciapło. Pavodle daśledavańniaŭ, navat zvyčajnaja biełaja farba zdolnaja prykmietna źmienšyć nahreŭ ścien i dachaŭ, a tempieratura ź ich unutranaha boku moža być jak minimum na 1,7°C nižejšaja. Mienavita tamu ŭ mnohich paŭdniovych krainach Jeŭropy damy tradycyjna farbujuć u bieły koler.

Jašče lepšyja vyniki pakazvajuć sučasnyja «ŭltrabiełyja» farby, raspracavanyja śpiecyjalna dla astudžeńnia. Jany nie tolki adbivajuć soniečnaje śviatło, ale i bolš efiektyŭna vypramieńvajuć nazapašanaje ciapło dziakujučy pracesu, viadomamu jak radyjacyjnaje astudžeńnie. Pavodle adnaho z daśledavańniaŭ, takaja farba zdolnaja adbivać da 98,1% soniečnaha vypramieńvańnia.

U vypadku z krejdaj važnuju rolu adyhryvaje karbanat kalcyju — jaje asnoŭny kampanient. Jon dobra adbivaje ultrafijaletavaje i infračyrvonaje vypramieńvańnie, jakoje prynosić značnuju častku ciapła. Mienavita tamu čaścicy karbanatu kalcyju vykarystoŭvajuć pry raspracoŭcy novych astudžalnych pakryćciaŭ.

U adroźnieńnie ad kandycyjaniera taki sposab nie patrabuje elektryčnaści.

Adnak čakać ad hetaha sposabu cudaŭ nie varta. Naniesienaja na škło krejda tolki pamianšaje kolkaść soniečnaha ciapła, što traplaje ŭ pakoj praz škło. Toj ža pryncyp — adbivać, a nie pahłynać soniečnyja pramiani — vykarystoŭvajuć i ŭ bolš maštabnych haradskich rašeńniach. Naprykład, usio bolšuju ŭvahu pryciahvaje farbavańnie dachaŭ u bieły koler. U Francyi hety padychod atrymaŭ nazvu le cool roofing.

Pavodle daśledavańniaŭ, masavaje vykarystańnie takich dachaŭ u bujnych haradach moža prykmietna źnizić tempieraturu pavietra padčas chvalaŭ śpioki. Daśledavańni pakazvajuć: kali b u Łondanie masava vykarystoŭvali biełyja dachi, siaredniaja tempieratura padčas śpioki mahła b być prykładna na 0,8°C nižejšaj, a kolkaść śmierciaŭ ad pierahrevu — istotna mienšaj. Sam pryncyp nie novy: u krainach Mižziemnamorja biełyja damy ŭžo stahodździami dapamahajuć lepš pieranosić letniuju śpioku.

Tym, kamu nie pašancavała znajści krejdu, brytanskija navukoŭcy prapanujuć bolš niezvyčajny sposab. Daśledčyki vyśvietlili, što paśla vysychańnia tonki płast zvyčajnaha johurtu na škle taksama dapamahaje adbivać soniečnaje vypramieńvańnie. Pavodle vynikaŭ ekśpierymientaŭ, u haračaje soniečnaje nadvorje heta dazvalała źnizić tempieraturu ŭ pamiaškańni ŭ siarednim na 3,5°C.

• 4
• 0
• 1
• 1
• 0
• 0
• 0
• 0