U kobrynskaha piensijaniera znajšli samarobny revalvier z bojeprypasami
U Kobrynie siłaviki znajšli ŭ 71‑hadovaha miascovaha žychara niezarehistravanuju ahniastrelnuju zbroju, bojeprypasy i porach, paviedamlaje UUS Bresckaha abłvykankama.
Pavodle infarmacyi milicyi, padčas ahladu haspadarčaj pabudovy znajšli samarobny revalvier, jaki, pavodle vynikaŭ ekśpiertyzy, pryznany prydatnym dla stralby, a taksama 75 pistaletnych patronaŭ, bolš za 90 spartyŭna-palaŭničych patronaŭ i zvyš 300 hramaŭ dymnaha porachu pramysłovaj vytvorčaści.
Piensijanier rastłumačyŭ, što zrabiŭ revalvier samastojna jašče ŭ pačatku 1990‑ch hadoŭ, kali pracavaŭ na aŭtaramontnym zavodzie, jaki vyrablaŭ zapasnyja častki. Usie hetyja rečy, pavodle jaho słoŭ, zachoŭvalisia ŭ padsobnym pamiaškańni na praciahu niekalkich dziesiacihodździaŭ.
U dačynieńni da mužčyny raspačali kryminalnuju spravu za niezakonnaje zachoŭvańnie ahniastrelnaj zbroi, bojeprypasaŭ i vybuchovych rečyvaŭ. Za takija dziejańni praduhledžanaja kryminalnaja adkaznaść až da pazbaŭleńnia voli na termin da dvanaccaci hadoŭ z kanfiskacyjaj majomaści.
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła2
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu3939
Kamientary