Na ŭsioj terytoryi akupavanaha Kryma zafiksavana masavaje adklučeńnie elektrazabieśpiačeńnia, jakoje zakranuła ŭsie harady i rajony rehijona. Infarmacyju pra heta paćvierdziła kampanija «Krymenierha».
Pradstaŭniki pradpryjemstva patłumačyli spynieńnie padačy toku «technałahičnymi parušeńniami, vyklikanymi źniešnimi ŭździejańniami» na vysakavoltnych sietkach, i zajavili pra praviadzieńnie avaryjna-adnaŭlenčych rabot.
Kałaps enierhasistemy adbyŭsia na fonie načnoj ataki Uzbrojenych sił Ukrainy na abjekty enierhietyčnaj infrastruktury Sievastopala.
U samim horadzie śviatło źnikła jašče ŭnačy, z-za čaho sacyjalnyja abjekty byli terminova pieraviedzieny na reziervovyja schiemy siłkavańnia.
Rasijski kiraŭnik Michaił Razvažajeŭ ranicaj daŭ spravazdaču ab viartańni elektryčnaści ŭ bolšaść žyłych damoŭ Sievastopala.
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary