U Varšavie ŭładalnica kramy pakazała dyzłajki ŭdzielnikam antyŭkrainskaha mitynhu. Paśla taho jaje kramu razhramili
U Varšavie nieviadomy mužčyna razhramiŭ kramu LAS RĄK handmade heaven, uładalnica jakoj niekalki dzion tamu adkryta vystupiła suprać antyŭkrainskich łozunhaŭ padčas akcyi pamiaci achviar Vałynskaj trahiedyi.
Paśla taho vypadku krama stała abjektam masavaj kampanii falšyvych niehatyŭnych vodhukaŭ u internecie. Karystalniki pakidali nizkija acenki, nie źviazanyja ź jakaściu tavaraŭ abo absłuhoŭvańnia. Mnohija paličyli heta sprobaj akazać cisk na ŭładalnicu praź jaje hramadzianskuju pazicyju.
Paźniej u pamiaškańnie kramy ŭvarvaŭsia nieviadomy mužčyna, jaki pavodziŭ siabie ahresiŭna, paškodziŭ interjer i źniščyŭ častku vyrabaŭ ručnoj pracy. Pra zdareńnie paviedamili ŭ palicyju. Pravaachoŭniki vyvučajuć zapisy z kamier videanazirańnia i šukajuć napadnika.
Paśla incydentu byŭ arhanizavany zbor srodkaŭ na adnaŭleńnie kramy i ŭzmacnieńnie mier biaśpieki.
Niahledziačy na napad, krama praciahvaje pracu. Jaje supracoŭniki zajmajucca dabračynnaściu: štotydzień hatujuć sotni buterbrodaŭ dla pažyłych ludziej, biazdomnych i inšych, chto apynuŭsia ŭ ciažkaj žyćciovaj situacyi. Pa słovach uładalnikaŭ, tolki za minuły tydzień jany razdali 256 buterbrodaŭ.
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY10
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary