Biełarus za 1000 jeŭra kupiŭ u Rasii paśviedčańnie kiroŭcy. Ciapier u jaho prablemy ŭ Polščy
U Varšavie darožnaja palicyja spyniła dla pravierki hramadzianina Biełarusi, ale jaho paśviedčańnie kiroŭcy padałosia patrulnym padazronym. Vyśvietliłasia, mužčyna kupiŭ jaho niekalki hadoŭ tamu ŭ Rasii. Ciapier jon moža atrymać realny termin u Polščy, vynikaje z paviedamleńnia darožnaj palicyi, piša vydańnie Most.
Aŭtamabil Toyota, za rulom jakoha byŭ biełarus, spynili padčas apieracyi «Biaśpiečnyja pieravozki 2026» na vuł. Aleje Jerozolimskie. Kiroŭca pakazaŭ paśviedčańnie, ale ŭžo pry jaho pieršasnym ahladzie ŭ supracoŭnikaŭ uźnikli padazreńni.
«Padrabiazny analiz z vykarystańniem pavieličalnaha škła, abstalavanaha ultrafijaletavaj padśvietkaj, pakazaŭ adsutnaść charakternych achoŭnych elemientaŭ i prykmiety taho, što dakumient byŭ vyrableny mietadam strumianiovaha druku», — paviedamili ŭ palicyi.
Tady kiroŭca pryznaŭsia, što nabyŭ dakumient niekalki hadoŭ tamu ŭ Rasii za 1000 jeŭra.
Mužčynu zatrymali, paśviedčańnie kiroŭcy kanfiskavali, a mašynu evakujavali.
Za vykarystańnie padroblenaha abo źmienienaha dakumienta jak sapraŭdnaha ŭ Polščy pahražaje pazbaŭleńnie voli na termin ad 3 miesiacaŭ da 5 hadoŭ.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Pra ruskuju kulturu. Nsdyzaŭhysia ardynstvpm, ŭabyvpieš pra astatni śviet, abiasceńvaješ jaho, abiasceńvaješ zakony , prava, kvalifikacyju..
Za normu "kupiŭ dypłom i zajmaju pasadu", "kupiŭ paśviedčańnie kiroŭcy i jezžu"... I ŭžo ŭsio bolš zdajecca, što ŭsie na śviecie durni, a ŭ Polščy tym bolš, nie raźbirajucca. Tolki my ŭ Maskovii samyja kiemlivyja , vynachodlivyja, a tupyja tam, "na Zapadie".
A ŭ vyniku ŭsio heta maskoŭskaje tradycyjnaje "riešienije voprosa" pracavała tolki da pieršaj sustrečy ź nie ruskim palicejskim.
Karaciej kažučy, dystancyju treba trymać ad rasiejščyny kulturnaj i biezkulturnaj, asabliva kali jana niezvyčajna kiemlivaja, sprytnaja i nibyta za vsio chorošieje.