Dla pastavak u Krym paliva rasijanie vykarystoŭvajuć cysterny dla vady i małaka
Jak paviedamlaje ahienctva Reuters sa spasyłkaj na ŭkrainskich vajskoŭcaŭ, rasijski bok vykarystoŭvaje novyja sposaby maskiroŭki pastavak paliva ŭ Krym i ŭ pryfrantavyja rajony, kab uskładnić ich vyjaŭleńnie ŭkrainskimi bieśpiłotnikami.
Śćviardžajecca, što dla pieravozki paliva časam vykarystoŭvajucca aŭtacysterny, aformlenyja jak mašyny dla pieravozki vady abo małaka. Pa słovach ukrainskich vajskoŭcaŭ, paśla ŭdaraŭ pa takich aŭtamabilach vyśviatlałasia, što ŭnutry znachodzilisia bienzin abo dyzielnaje paliva.
Taksama, pavodle hetych źviestak, paliva i inšyja hruzy dastaŭlajuć nievialikimi kałonami, jakija supravadžajucca ŭzbrojenymi aŭtamabilami, vykarystoŭvajuć mienš zahružanyja darohi, a dla transpartavańnia zadziejničajuć u tym liku nievialikija mašyny, kvadracykły i matacykły.
Paliva i inšyja zapasy zachoŭvajuć u zamaskavanych schoviščach, zakinutych budynkach i sielskahaspadarčych abjektach. Akramia taho, niekatoryja cyvilnyja aŭtazapravačnyja stancyi nibyta vykarystoŭvajucca dla zachoŭvańnia zapasaŭ paliva dla vajskoŭcaŭ.
Apošnija miesiacy ŭkrainskija siły aktyŭna nanosiać udary pa łahistyčnych maršrutach na terytoryjach, jakija kantraluje Rasija. Heta pryviało da surjoznych ciažkaściaŭ z pastaŭkami paliva ŭ akupavany Krym. Ciapier na častcy aŭtazapravačnych stancyj Kryma dziejničajuć abmiežavańni na prodaž paliva, a ŭ Sievastopali jaho adpuskajuć pa QR-kodach. Taksama značna ŭzraśli ceny na bienzin.
Akramia taho, ukrainski bok śćviardžaje, što Rasija ŭzmacniaje vykarystańnie srodkaŭ radyjoelektronnaj baraćby dla padaŭleńnia suviazi Starlink, jakoj karystajucca ŭkrainskija apieratary bieśpiłotnikaŭ. Pavodle hetych źviestak, ukrainskija siły taksama nanosiać udary pa takich sistemach.
Čamu Kreml nie zdolny spynić paliŭny kryzis u Maskvie navat canoj tatalnaha deficytu ŭ rehijonach
U Sievastopali praz amal tydzień adnaŭlajuć prodaž bienzinu
U Rasii śpiecnaz zatrymaŭ ahresiŭnaha kryminalnika, jaki napiaredadni sprabavaŭ zapravicca biez čarhi i abražaŭ ludziej
U anieksavanym Krymie ŭviali režym nadzvyčajnaj situacyi rehijanalnaha charaktaru
«U nas usio spakojna». Biełaruski sanatoryj u Krymie nie papiaredžvaje haściej pra niebiaśpieku
Biełaruska nie pavieryła internetu i paciahnułasia ŭ Krym
Kamientary