Jehipiet uvodzić elektronnyja vizy. Jak sistema budzie pracavać dla biełarusaŭ?
Z 1 žniŭnia ŭ Jehipcie ŭ piłotnym režymie pačnie pracavać sistema ličbavych viz. Pakul jana budzie dziejničać tolki ŭ aeraporcie Kaira.
U pierśpiektyvie sistemu płanujuć ukaranić i ŭ inšych aeraportach krainy, paviedamiŭ Respublikanski sajuz turystyčnych arhanizacyj.
Papiarovyja vizavyja nalepki ŭ pašpartach buduć skasavanyja. Zamiest ich turysty buduć atrymlivać QR-kod, jaki nieabchodna pakazać padčas pašpartnaha kantrolu.
Aformić jaho možna budzie na aficyjnym sajcie, praz mabilnuju prahramu abo z dapamohaj aŭtamataŭ samaabsłuhoŭvańnia ŭ załach prylotu.
Važny momant: apłata najaŭnymi nie praduhledžana — tolki bankaŭskaj kartkaj.
Darečy, turystyčnyja kampanii zmohuć afarmlać QR-kod ad imia turysta za 48 hadzin da jaho prybyćcia. Košt vizy nie źmienicca i składzie 30 dalaraŭ.
Da poŭnamaštabnaha ŭkaranieńnia elektronnych viz ułady płanujuć pierajści tolki paśla testavańnia sistemy ŭ Kairy. Turapieratary padkreślivajuć, što turysty, jakija prybyvajuć u žniŭni, naprykład, u Churhadu, buduć afarmlać vizy jašče pavodle raniejšych praviłaŭ.
U toj ža čas praviły ŭjezdu dla turystaŭ, jakija prylatajuć u Šarm-eš-Šejch, pakul nie źmianiajucca. Kali čałaviek prybyvaje na hety kurort, nie pakidaje terytoryju Paŭdniovaha Sinaja i znachodzicca tam nie bolš za 15 dzion, jamu, jak i raniej, biaspłatna staviać u pašpart tak zvany «sinajski štamp». Na hetuju katehoryju turystaŭ ličbavaja sistema nie budzie raspaŭsiudžvacca.
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary