Rubia na sustrečy z Łaŭrovym kazaŭ pra nieabchodnaść skančeńnia vajny va Ukrainie
Pavodle słoŭ čynoŭnika, dla dasiahnieńnia miru patrebnyja novyja idei.
Dziaržsakratar ZŠA Marka Rubia zajaviŭ, što na sustrečy z rasijskim kaleham Łaŭrovym na Filipinach abmierkavaŭ nieabchodnaść zaviaršyć vajnu suprać Ukrainy, piša RBK-Ukraina.
Pavodle słoŭ čynoŭnika, dla dasiahnieńnia miru patrebnyja «novyja idei», pakolki papiarednija prapanovy byli «nieprymalnymi dla Ukrainy».
«Ja nie dumaju, što jany byli b prymalnyja dla jaje i ciapier; bolš za toje, vierahodna, jany byli b jašče mienš prymalnymi», — skazaŭ Rubia.
Na jaho dumku, kali mir i nastupić, to heta adbudziecca dziakujučy niejkim novym idejam i novym kancepcyjam.
«My hatovyja prapanavać niekatoryja ź ich u adpaviednym kantekście i formie, kali źjavicca takaja mahčymaść i buduć spryjalnyja ŭmovy. My hatovyja adyhryvać hetuju rolu ŭ pazityŭnym klučy», — dadaŭ dziaržsakratar.
Kamientary