Niekalki dzion tamu ŭ lesie ŭ Aranskim rajonie Litvy miascovyja žychary niečakana sustreli strausa. Ptuška stała hierojem papularnaha videa ŭ sacyjalnych sietkach, ale los jaje ŭrešcie byŭ trahičnym, paviedamlaje LRT.
Miascovy žychar Hiedyminas Šakis razam ź siamjoj adpraviŭsia ŭ les pa lisički. Pa darozie jany žartam abmiarkoŭvali, što mohuć sustreć miadźviedzia, jakich apošnim časam nieadnarazova zaŭvažali ŭ hetych miaścinach. Adnak zamiest drapiežnika pierad imi raptam źjaviŭsia straus. Mužčyna źniaŭ niezvyčajnuju sustreču na videa, paśla čaho rolik chutka staŭ papularnym u internecie.
Paźniej vyśvietliłasia, što ŭ susiedniaj vioscy Naškuny miascovyja žychary razvodziać strausaŭ. Hiedyminas pasprabavaŭ dapamahčy haspadaram: jon paviedamiŭ pra miesca, dzie bačyŭ ptušku, praź miascovuju supolnaść u sacyjalnych sietkach i pieradaŭ infarmacyju čałavieku, jaki viedaje ŭładalnikaŭ fiermy.
Adnak, jak paviedamili paźniej litoŭskija ŚMI, historyja mieła trahičny finał. Uładalnik straŭsa Alhis Piatrušys raskazaŭ, što ptuška jašče za niekalki dzion da hetaha ŭciakła z valjera, prałamaŭšy aharodžu.
Kali strausa narešcie znajšli, złavić jaho nie ŭdałosia. Pavodle słoŭ haspadara, choć strausy, jakija vyhadoŭvajucca ŭ haspadarcy, pryzvyčajvajucca da ludziej, jany nie stanoviacca svojskimi žyviołami, tamu prosta padyści i zavieści ptušku nazad niemahčyma.
U vyniku ŭładalniku daviałosia strausa zastrelić. Tak zaviaršyłasia historyja ptuški, jakaja vypadkova apynułasia ŭ litoŭskim lesie i na karotki čas stała internet-znakamitaściu.
Na mohiłkach pad Minskam zaŭvažyli vialikuju čaradu busłoŭ VIDEA
U fotapastku na biełaruskim Paazierji trapiŭ miadźviedź FOTY
«U Hatavie dla ich skłalisia ŭsie ŭmovy». Čamu na adnym dachu pad Minskam žyvie tak šmat čajek?
Usio bolš jeŭrapiejskich biełych busłoŭ charčujucca na śmietnikach. Navukoŭcy zaniepakojenyja
Ciapier čytajuć
Adzin z zahinułych siońnia vajskoŭcaŭ — 26‑hadovy minčuk Kirył. Što pra jaho viadoma8
Kamientary
navošta było ptušku zabivać?
R.I.P.