Alaksiej Papkoŭ nie staŭ padpisvać novy kantrakt.
Jašče 11 lipienia namieśnik staršyni Žodzinskaha harvykankama Alaksiej Papkoŭ pravodziŭ pramuju liniju, ciapier ža infarmacyja pra jaho vydalenaja z sajta rajvykankama.
Pa infarmacyi «Našaj Nivy», apošni pracoŭny dzień u čynoŭnika byŭ 20 lipienia. Papkoŭ nie zachacieŭ praciahvać kantrakt i zvolniŭsia z ułasnaha žadańnia.
U 2025 hodzie staršynia Žodzinskaha harvykankama vinšavaŭ Alaksieja Papkova z pryznačeńniem na pasadu namieśnika ŭ halinie žyllova-kamunalnaj haspadarki i budaŭnictva, padkreślivajučy, što pierad im «pastaŭlenyja surjoznyja zadačy».
U studzieni 2026‑ha Papkoŭ chvaliŭsia pośpiechami ŭ svajoj halinie: «Pa tempach budaŭnictva žytła spracavali ŭ plus, zabiaśpiečyŭšy vykanańnie daviedzienaha pakazčyka na 100,7%. Razam z uźviadzieńniem žytła viałasia praca pa stvareńni inžyniernaj i transpartnaj infrastruktury».
Pry im ža adbyvałasia rekanstrukcyja ŭčastku trasy R53, jaki prachodzić praz Žodzina, ale zakančvać jaje pryjdziecca ŭžo z novym pryznačencam.
Da harvykankama Alaksiej Papkoŭ pracavaŭ načalnikam elektryčnych sietak Smalavickaha rajona.
Maje dypłomy BNTU i Akademii kiravańnia.
Kamientary
zrazumieła, što chočacie pisać pakaraciej, ale tut u niedakładnaści chavajecca istotny niuans