Prezident ZŠA Donald Tramp zajaviŭ, što pakul nie bačyć sensu ŭ praviadzieńni pieramoŭ ź Iranam biez vyraznych i pradmietnych umoŭ, piša Associated Press.
Padčas razmovy z žurnalistami Tramp adznačyŭ, što iranski bok nibyta nadta zacikaŭleny ŭ sustrečy z pradstaŭnikami ZŠA. Adnak u toj ža čas jon padkreśliŭ, što Vašynhton nie budzie ŭdzielničać u takich pieramovach, pakul Tehieran nie budzie hatovy da kankretnaha abmierkavańnia šlachoŭ urehulavańnia kanfliktu.
Amierykanski prezident taksama zajaviŭ, što padčas niepubličnych kantaktaŭ iranskija pradstaŭniki nibyta paviedamlali pra žadańnie spynić supraćstajańnie, pakolki ich uzbrojenyja siły niasuć značnyja straty.
Pavodle paviedamleńniaŭ ŚMI, administracyja ZŠA ciapier razhladaje dva asnoŭnyja varyjanty raźvićcia padziej: dasiahnieńnie novaha dziesiacidzionnaha pieramirja abo praviadzieńnie maštabnaj sumiesnaj vajennaj apieracyi ź Izrailem, kab prymusić Iran spynić bajavyja dziejańni.
Raniej Złučanyja Štaty paviedamili pra hibiel dvuch amierykanskich vajskoŭcaŭ i źniknieńnie bieź viestak jašče adnaho paśla ŭdaraŭ Irana pa vajskovym abjekcie na terytoryi Iardanii.
Paśla hetaha Donald Tramp zajaviŭ, što amierykanskija ŭzbrojenyja siły nanieśli novyja ŭdary pa Iranie ŭ adkaz na hibiel svaich vajskoŭcaŭ i papiaredziŭ Tehieran pra mahčymyja dalejšyja žorstkija miery ŭ adkaz.
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary
Eto iz toj žie opiery, čto putin chočiet zakončiť vojnu v Ukrainie silnieje vsiech...