Na jaho miesca pryznačany Michaił Drapaty, jaki raniej zajmaŭ pasadu kamandujučaha Hrupoŭkaj abjadnanych sił USU.
«Ja pryniaŭ rašeńnie, što novym Hałoŭnakamandujučym Uzbrojenymi siłami Ukrainy stanie Michaił Drapaty. Razam ź Michaiłam, Jaŭhienam Chmaraj i Paŭłam Palisam my vyznačyli, jakim čynam pavinna być abnoŭlena struktura Hienieralnaha štaba Uzbrojenych sił Ukrainy», — paviedamiŭ prezident Ukrainy Uładzimir Zialenski.
Pry hetym jon dadaŭ:
«Faktam zastajecca fakt: Alaksandr Syrski zabiaśpiečyŭ vyniki Ukrainy ŭ abaronie Kijeva, u Charkaŭskaj nastupalnaj apieracyi i ŭ Kurskaj apieracyi. Značny šlach projdzieny, abarona Ukrainy praciahvajecca, i nieabchodnyja hodnyja adnosiny da kožnaha vajara. Ja ŭdziačny Alaksandru Syrskamu i kožnamu našamu voinu za mocnyja pazicyi Ukrainy na froncie. Ja ŭdziačny Michaiłu Drapatamu za mienavita taki pohlad. Siońnia z Alaksandram Syrskim i Andrejem Hnatavym my havaryli pra dalejšyja farmaty słužby i pravilnuju pieradaču spraŭ».
«Žadańnie va ŭsich nas adno — pieramoha nad voraham i dasiahnieńnie takich umoŭ na froncie i ŭ cisku na Rasiju, jakija b dazvolili prymusić Rasiju da miru. Zaŭtra farmalizujem usie rašeńni. Z hetaj situacyi Ukraina pavinna vyjści macniejšaj, i Rasii budzie składaniej. Słava Ukrainie!», — zaviaršyŭ svaju pramovu Uładzimir Zialenski.
Syrski: Ja i nie viedaŭ, što ŭ nas ź Fiodaravym kanflikt, ale prašu prabačeńnia
Ukrainskaje vydańnie patłumačyła sutnaść pretenzij da hałoŭnakamandujučaha Syrskaha
Zialenski pravioŭ kansultacyi z kamandzirami karpusoŭ i doŭha razmaŭlaŭ ź Fiodaravym. Fiodaraŭ: Dyjałoh jość, vieru, što ŭsio ŭdasca
Michaił Fiodaraŭ paćvierdziŭ, što pryčyna jaho adstaŭki — kanflikt z hałoŭnakamandujučym USU Syrskim
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary