Da Biełarusi nabližajecca cykłon «Biernadet», jaki pryniasie paharšeńnie nadvorja — daždžy, navalnicy i paryvisty viecier. Zaraz centr cykłonu znachodzicca nad krainami Bałtyi, ale jaho atmaśfiernyja franty ŭžo ŭpłyvajuć na nadvorje ŭ Biełarusi, paviedamiŭ Biełhidramiet.
9 lipienia na bolšaj častcy terytoryi krainy čakajucca karotkačasovyja daždžy, dniom miescami mahčymyja navalnicy. Viecier budzie paŭdniova-zachodni, z paryvami. Tempieratura nočču składzie ad +9 da +14 hradusaŭ, dniom — ad +15 da +21 hradusa.
10—11 lipienia cykłon pieramieścicca niepasredna na terytoryju Biełarusi, tamu ŭmovy nadvorja stanuć horšymi. U piatnicu daždžy projduć amal pa ŭsioj krainie, a na zachadzie Biełarusi jany mohuć być mocnymi. U asobnych rajonach prahnazujucca navalnicy i mocnyja paryvy vietru.
Nočču 10 lipienia tempieratura budzie kala +7…+13 hradusaŭ, dniom — +17…+23 hradusy, pry hetym na zachadzie krainy budzie chaładniej — kala +15…+16 hradusaŭ.
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary