ZŠA pačali novuju chvalu ŭdaraŭ pa Iranie paśla zajaŭ Trampa pra zaviaršeńnie pieramirja
Amierykanskija vajskoŭcy zajavili pra novuju sieryju ŭdaraŭ pa Iranie nieŭzabavie paśla taho, jak prezident ZŠA Donald Tramp abviaściŭ, što ličyć termin pahadnieńnia ab spynieńni ahniu zavieršanym. Vajennaja eskałacyja pačałasia napiaredadni samitu NATA ŭ Ankary i była spravakavanaja iranskimi atakami na handlovyja sudny ŭ Armuzskim pralivie, piša VVS.
Pavodle paviedamleńnia Centralnaha kamandavańnia ZŠA, siły krainy nanieśli dadatkovyja ŭdary, kab asłabić zdolnaść Irana pahražać svabodzie sudnachodstva. Tramp u sacsietcy Truth Social nazvaŭ heta pomstaj za bambardziroŭku sudnaŭ Iranam, papiaredziŭšy, što ŭ vypadku paŭtareńnia «budzie značna horš».
Novaja chvala amierykanskich udaraŭ užo zaviaršyłasia. Było atakavana 90 celaŭ uzdoŭž iranskaha ŭźbiarežža, uklučajučy sistemy SPA, składy rakiet i bieśpiłotnikaŭ, vajskova-marskija abjekty i łahistyčnuju infrastrukturu.
Iranskaje ahienctva IRNA paćvierdziła vybuchi ŭ niekalkich haradach (Bender-Abas, Čabachar, Kanarek, Siryk, astravy Łavan). U aeraporcie Iranšechra paškodžanyja infrastrukturnyja abjekty, zahinuŭ pažarnik. Vybuchi taksama byli čuvać u Bušery, dzie raźmieščanaja AES, adnak, pavodle zajavaŭ Trampa, stancyja nie paciarpieła.
U svaju čarhu, Korpus vartavych isłamskaj revalucyi zajaviŭ pra ataki na dźvie amierykanskija bazy ŭ Kuviejcie i dźvie ŭ Bachrejnie. Ministerstva abarony Kuviejta paviedamiła pra adbićcio rakietnych udaraŭ i napadaŭ bieśpiłotnikaŭ. Tehieran paabiacaŭ u najbližejšy čas adnavić masiravanyja ataki na bazy ZŠA.
Eskałacyja faktyčna razburyła nadziei na pieratvareńnie červieńskaha miemaranduma ab uzajemarazumieńni (jaki praduhledžvaŭ 60‑dzionnyja pieramovy) u pastajannaje mirnaje pahadnieńnie.
Pradstaŭnik MZS Irana abvinavaciŭ ZŠA ŭ parušeńni dakumienta. Krynicy CNN paviedamlajuć, što Tramp tracić ciarpieńnie praz zaciahvańnie Tehieranam pieramoŭ pa jadziernaj prahramie i niezadavoleny tym, što Armuzski praliŭ da hetaha času całkam nie adkryty. Na borcie Air Force One Tramp zajaviŭ žurnalistam: «Kožny raz, kali jany nanosiać udar pa nas, my nanosim pa ich 20 udaraŭ».
Hałoŭny iranski pieramoŭščyk, śpikier miascovaha parłamienta Machamad-Bahier Halibaf abvinavaciŭ ZŠA ŭ parušeńni pahadnieńnia i adnaŭleńni naftavych sankcyj, zajaviŭšy, što «Armuzski praliŭ adkryjecca tolki pry damoŭlenaściach ź Iranam, a nie pry amierykanskich pahrozach». Pry hetym hiensak NATA Mark Rute nazvaŭ dziejańni ZŠA «absalutna nieabchodnymi».
Na fonie kanfliktu suśvietnyja ceny na naftu vyraśli bolš čym na 1 dalar za baral.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam10
Kamientary
______________
Kto na kom stojał !? Vyražajtieś jaśnieje