«Nam ludzi patrebnyja, i pažadana z Uźbiekistana». Łukašenka zaprasiŭ uźbiekaŭ masava jechać u Biełaruś
Alaksandr Łukašenka 9 lipienia pravioŭ u Minsku pieramovy z prezidentam Uźbiekistana Šaŭkatam Mirzijojevym. Baki abmierkavali raźvićcio dvuchbakovaha supracoŭnictva i padpisali Dekłaracyju ab stratehičnym partniorstvie.
Padčas sustrečy Łukašenka zajaviŭ, što Biełarusi patrebnyja pracoŭnyja kadry, i vykazaŭ žadańnie, kab na pracu ŭ krainu pryjazdžali hramadzianie Uźbiekistana razam ź siemjami.
«U nas uźbiekaŭ lubiać, tamu pierš čym pakistancy, chaču, kab vašy ludzi da nas pryjazdžali siemjami. U sielskaj haspadarcy my dajem žyllo […] Biaspłatnaja adukacyja, achova zdaroŭja — usio heta biaspłatna, jak našym biełarusam, roŭnyja ŭmovy. U horadzie treba troški pačakać, i žyllo budzie. Nam ludzi patrebnyja, i pažadana z Uźbiekistana. Vielmi dobryja ludzi».
Taksama jon adznačyŭ, što ŭ 2025 hodzie tavaraabarot pamiž Biełaruśsiu i Uźbiekistanam dasiahnuŭ adnaho miljarda dalaraŭ, a ŭ pierśpiektyvie krainy mohuć pavialičyć jaho da dvuch miljardaŭ.
Asobnuju ŭvahu baki nadali sumiesnym ekanamičnym prajektam. Łukašenka vykazaŭ nadzieju, što pry padtrymcy Uźbiekistana Biełaruś zmoža aktyŭniej vychodzić na rynki trecich krain, najpierš u rehijonach, dzie Taškient maje tryvałyja ekanamičnyja suviazi.
Akramia taho, abmiarkoŭvałasia pašyreńnie supracoŭnictva ŭ mašynabudavańni, sielskaj haspadarcy, humanitarnaj śfiery i miedycynie. Łukašenka taksama zaklikaŭ hramadzian Uźbiekistana pryjazdžać u Biełaruś na lačeńnie.
Ciapier čytajuć
Ajcišnik Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY2
Ajcišnik Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary