U Biełarusi markietpłejsam zabaranili pakazvać pakupnikam fałaimitatary i inšyja tavary dla darosłych
Ciapier nabyćcio cacak katehoryi 18+ pieratvaryłasia ŭ sapraŭdny kvest. «Vyjłdbierys» i «Azon» pierastali pakazvać pakupnikam intymnyja tavary. Źniać blur niemahčyma navat kali paznačyć svoj uzrost.
Biełarusy ździŭleny: bujniejšyja markietpłejsy pačali chavać seks-tavary. Na «Azonie» źniać blur uvohule niemahčyma, «Vajłdbierys» pakul daje mahčymaść pabačyć cacki dla darosłych, ale tolki tym, chto jašče nie abnaviŭ dadatak.
Aburanyja ludzi ŭžo paśpieli źviarnucca pa kamientar da markiet-płejsaŭ. Im adkazali, što pa biełaruskim zakonie zabaroniena pakazvać tavary seksualnaha pryznačeńnia. Abmiežavańni raspaŭsiudžvajucca tolki dla karystalnikaŭ ź Biełarusi i źniać ich nie atrymajecca, navat kali paznačyć svoj uzrost.
Sapraŭdy, letaś u praviły prodažu tavaraŭ pry ažyćciaŭleńni dystancyjnaha handlu ŭnieśli źmianieńni (pastanova ŭrada ad 16.05.2025 № 268). Tam źjaviŭsia punkt, zhodna ź jakim pradstaŭleńnie pakupniku infarmacyi ab pradukcyi seksualnaha pryznačeńnia dapuskajecca tolki z ukazańniem tekstavych źviestak ab tavary biez demanstracyi jakich-niebudź hrafičnych vyjaŭ i malunkaŭ.
Ale ž vynachodlivyja biełarusy ŭžo prydumali, jak abyści zabaronu: kali paznačyć punkt vyvazu ŭ niekim rasijskim horadzie, usie seks-tavary možna spakojna pahladzieć.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary