MNS papiaredziła biełarusaŭ pra navalnicy i štarmavy viecier u paniadziełak
Ministerstva pa nadzvyčajnych situacyjach Biełarusi papiaredžvaje pra niespryjalnyja mietearałahičnyja źjavy ŭ paniadziełak, 6 lipienia. Mocny viecier moža abrynuć kanstrukcyi, paškodzić dachi budynkaŭ, pryvieści da padzieńnia dreŭ.
Pavodle prahnozaŭ sinoptykaŭ, u krainie čakajecca vobłačnaje z prajaśnieńniami nadvorje, na bolšaj častcy terytoryi projduć karotkačasovyja daždžy, a miescami prahrymiać navalnicy. U dzionnyja hadziny paryvy paŭdniova-zachodniaha i zachodniaha vietru ŭ asobnych rajonach mohuć uzmacniacca da 15—18 m/s.
Siarod hałoŭnych faktaraŭ niebiaśpieki pry takim nadvorji ratavalniki nazyvajuć ryzyku paškodžańnia i abryvu linij elektrapieradač, što moža pryvieści da parušeńnia elektrazabieśpiačeńnia nasielenych punktaŭ.
Akramia taho, štarmavy viecier zdolny razburyć słaba zamacavanyja kanstrukcyi, paškodzić dachi budynkaŭ i vyklikać padzieńnie dreŭ, a navalničnyja razrady stvarajuć pahrozu ŭźniknieńnia pažaraŭ u lasach, žyłych i vytvorčych zonach.
Tempieratura pavietra pa krainie składzie ad +17°C da +23°C. U Minsku ŭ paniadziełak taksama čakajucca karotkačasovyja daždžy, mahčymaja navalnica i paryvisty viecier. Dniom słupok termomietra ŭ stalicy padymiecca da +18…+20°C, a da viečara pachaładaje da +14…+16°C.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami15
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary