Prachałoda ci śpiakota? Jakoha nadvorja čakać na nastupnym tydni

Śpiakota ŭ Biełarusi kančatkova adstupić, na źmienu joj prychodzić niaŭstojlivaje i daždžlivaje nadvorje z mocnym vietram i navalnicami. 

U paniadziełak na nadvorji adabjecca ŭpłyŭ atmaśfiernych frantoŭ i vilhotnych pavietranych mas. Budzie vobłačna z prajaśnieńniami. U bolšaści rajonaŭ čakajucca daždžy i navalnicy. Pad ranicu miescami tuman. Viecier zachodnich kirunkaŭ, umierany, časam paryvisty. Unačy ad +10 da +15 hradusaŭ, udzień ad 19 da 24.

U aŭtorak niabiesnymi pracesami praciahnuć kiravać atmaśfiernyja franty i niaŭstojlivyja, vilhotnyja pavietranyja masy. Čakajecca vobłačnaje ź niepraciahłymi prajaśnieńniami nadvorje. Unačy i ranicaj pa paŭnočna-zachodniaj pałovie, udzień u bolšaści rajonaŭ — karotkačasovyja daždžy, navalnicy. Viecier zachodni, paŭdniova-zachodni, umierany, časam paryvisty. Vilhotnaść da 80 pracentaŭ. Unačy ad 9 do 15 ciapła, udzień 17—23, pa paŭdniovym uschodzie krainy da 25.

U sieradu za nadvorje stanie adkazvać aktyŭny atmaśfierny front ad cykłonu z centram nad Bałtyjskim moram. Jon pryniasie niepahadź, daždžy, navalnicy, liŭni. Unačy i ranicaj mahčymy miescami tuman, vilhotnaść pavietra — da 90 pracentaŭ. Viecier zachodni, paŭnočna-zachodni, paryvisty. Unačy ad 12 da 17 ciapła, udzień 18—23, pa poŭdni i paŭdniovym zachadzie da 25.

I, papiarednie, u čaćvier daždžy roznaj intensiŭnaści projduć paŭsiudna, vialikaja vierahodnaść navalnic. Viecier paŭnočna-zachodni, paryvisty. Unačy i ranicaj miescami tuman. Vilhotnaść pavietra zachavajecca vysokaja. Unačy ad +9 da +13 hradusaŭ, udzień ad 17 pa poŭnačy da 23 pa poŭdni.

U piatnicu nadvorje zastaniecca pad upłyvam atmaśfiernych frantoŭ. Jany pryniasuć karotkačasovyja navalničnyja daždžy. U cełym budzie vobłačna z prajaśnieńniami. Viecier paŭnočna-zachodni, paryvisty, časam mocny paryvisty. Unačy i ranicaj miescami niepraciahły tuman. Unačy ad 10 da 15 hradusaŭ, udzień ad 13 pa paŭnočnym uschodzie da 19 pa paŭdniovym zachadzie.

U vychadnyja nadvorjem praciahnuć kiravać vilhotnyja niaŭstojlivyja pavietranyja masy, a heta značyć, što biez apadkaŭ znoŭ nie abydziecca. U subotu čakajecca vobłačnaje z prajaśnieńniami nadvorje, u bolšaści rajonaŭ — karotkačasovyja daždžy, zachavajecca vierahodnaść navalnic. Viecier zachodniaj čverci, umierany. Vilhotnaść da 70 pracentaŭ. Tempieratura ŭnačy ad 10 da 15 ciapła, udzień ad +13 da +17, u zachodnich rajonach 18—23.

U niadzielu nadvorje istotna nie źmienicca. Budzie vobłačna z prajaśnieńniami i znoŭ daždžliva. Unačy i ranicaj miescami tuman — bačnaść da paŭkiłamietra. Viecier paŭnočna-zachodni, umierany. Unačy kala 12 hradusaŭ, udzień ad +17 na paŭnočnym zachadzie Biełarusi da 25 u krajnich paŭdniovych rajonach krainy.

• 0
• 0
• 0
• 0
• 0
• 0
• 0
• 0