Kreml adreahavaŭ na prapanovu Uładzimira Zialenskaha sustrecca ŭ Kanstancinaŭcy, pra «poŭny kantrol» nad jakoj rasijski bok zajaŭlaŭ napiaredadni. Pres-sakratar Pucina Dźmitryj Piaskoŭ zajaviŭ, što rasijski lidar hatovy da sustrečy, ale vyklučna na svajoj terytoryi — u Maskvie, a nie ŭ pryfrantavoj zonie.
Kamientujučy inicyjatyvu ŭkrainskaha lidara, Piaskoŭ adznačyŭ, što Rasija vitaje hatoŭnaść Zialenskaha pryjechać, adnak miescam dla sustrečy pavinna być rasijskaja stalica.
«Usio ž taki stalicaj RF źjaŭlajecca Maskva, a nie Kanstancinaŭka. Tamu jon moža pryjechać u Maskvu, jak tolki budzie hatovy pryniać važnyja adkaznyja rašeńni», — zajaviŭ pres-sakratar rasijskaha prezidenta.
Jak my pisali raniej, Uładzimir Zialenski prapanavaŭ Pucinu sustrecca ŭ Kanstancinaŭcy ŭ adkaz na zajavy rasijskaha boku ab nibyta zachopie hetaha horada.
Prezident Ukrainy padkreśliŭ, što kali b nasieleny punkt sapraŭdy znachodziŭsia pad kantrolem Rasii, Pucin zmoh by pryjechać tudy dla pošuku dypłamatyčnych rašeńniaŭ pa spynieńni vajny.
«Ale jon usio ž nie pierasiakaje liniju frontu: praŭda vielmi adroźnivajecca ad słoŭ Pucina», — adznačyŭ Zialenski, nazvaŭšy zajavy ab zachopie «čarhovaj rasijskaj chłuśnioj».
Napiaredadni Rasija abviaściła ab ustalavańni kantrolu nad Kanstancinaŭkaj u Danieckaj vobłaści. Hienieralny štab Ukrainy hetyja zajavy abviarhaje.
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram5
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary