Łukašenka nie pryjšoŭ i na viačerni kancert u honar 3 lipienia
Na hała-kancercie kala steły ŭ Minsku ad imia Łukašenki jaho ŭdzielnikam tolki pieradali kvietki. Sam ža jon na mierapryjemstva nie źjaviŭsia.
Ranicaj na ŭračystaściach kala Kurhana Słavy zamiest Łukašenki vystupaŭ dziaržsakratar Rady biaśpieki Alaksandr Valfovič. Taksama ad imia pres-słužby byŭ vydadzieny tekst jahonaha vinšavańnia, a samoha jaho nie pakazvali.
Vidać, asabista ŭziać udzieł u mierapryjemstvach Łukašenku nie dazvoliła zdaroŭje, bo tolki ranicaj 3 lipienia jon viarnuŭsia z «praciahłaj kamandziroŭki». Jana doŭžyłasia ceły tydzień i ŭ chodzie jaje Łukašenka naviedaŭ čatyry krainy: Rasiju, Kitaj, Indanieziju i Mjanmu. Viartajučysia z apošniaj, jon pieranios 12‑hadzinny pieralot.
Padčas znachodžańnia Łukašenki ŭ Indaniezii miascovyja žurnalisty źniali, jak jon ź ciažkaściu spuskaŭsia pa leśvicy. Pa prystupkach palityk ruchaŭsia z prykmietnaj ciažkaściu i kulhajučy, źviarnuła ŭvahu vydańnie Reform.news.
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie2
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5050
Kamientary