Na ŭźbiarežžy Aŭstralii znajšli zahadkavyja šary. Imi zajmajucca śpiecyjalisty pa kosmasie
Na poŭnačy aŭstralijskaha štata Kvinślend na bierah vyniesła šeść vialikich sierabrystych śfier. Pavodle papiarednich acenak, jany mohuć być frahmientami kaśmičnaj techniki, piša Bi-bi-si.
Ciapier pachodžańnie znachodak vyvučaje Aŭstralijskaje kaśmičnaje ahienctva. Śpiecyjalisty ŭ achoŭnych kaściumach źmiaścili abjekty ŭ śpiecyjalnyja hiermietyčnyja kantejniery pad achovaj palicyi, pakolki ŭsiaredzinie mohuć znachodzicca niebiaśpiečnyja rečyvy.
Pažarna-vyratavalnaja słužba Kvinślenda ŭstanaviła vakoł miesca znachodki 50‑mietrovuju zonu biaśpieki i zaklikała žycharoŭ nie nabližacca da padobnych pradmietaŭ, a pry ich vyjaŭleńni nieadkładna paviedamlać ekstrannym słužbam.
U internecie źjavilisia viersii, što śfiery mohuć być bakami dla rakietnaha paliva. Kali heta tak, u ich mahli zachavacca reštki haručych abo chimična aktyŭnych rečyvaŭ. Pakul nieviadoma, jakomu kaśmičnamu aparatu naležali hetyja abjekty i jakaja kraina ich zapuściła.
Padobnyja vypadki ŭžo zdaralisia. U 2023 hodzie na zachodnim uźbiarežžy Aŭstralii znajšli vialiki mietaličny kupał, jaki paźniej pryznali frahmientam indyjskaj rakiety-nośbita. A ŭ 2011 hodzie ŭ Namibii vyjavili śfieryčny abjekt, jaki, pavodle ekśpiertaŭ, moh być paliŭnym bakam rakiety z reštkami hidrazinu.
NASA zapuściła robata, kab pasprabavać adsunuć kaštoŭnuju kaśmičnuju absiervatoryju dalej ad Ziamli
NASA nazvała imiony členaŭ ekipaža misii «Artemida-3» — čarhovaha etapu na šlachu da vysadki na Miesiac
U kitajskaj pustyni razhledzieli z kosmasu dziasiatki novych jadziernych abjektaŭ
Rakieta Blue Origin, što vybuchnuła padčas vyprabavańniaŭ, stavić pad sumnieńnie płany NASA viarnucca na Miesiac
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary