Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury
Rasijskija ŚMI vydumali ŭdar drona USU pa turystyčnym aŭtobusie Minsk — Anapa ŭ Branskaj vobłaści. Fota nastupstvaŭ udaru było zhienieravana štučnym intelektam, a samoha ŭdaru pa aŭtobusie nie było, ličyć vydańnie «Fłahštok», pryvodziačy dokazy na karyść hetaj viersii.
«Fłahštok» źviarnuŭ uvahu na siužet biełaruskaha telebačańnia, na jakim bačna, jakoj była abstanoŭka adrazu paśla ataki drona. Dva prademanstravanyja kadry dazvalajuć rekanstrujavać padziei. BPŁA biŭ pa hrupie z troch pryparkavanych na stajancy hruzavych aŭtamabilaŭ z paŭpryčepami — jany stajali za 12 mietraŭ ad aŭtobusa.
Udar pryjšoŭsia pa siarednim aŭtamabili DAF, raźmieščanym prykładna za 12 mietraŭ ad aŭtobusa. Paśla čaho fura zaharełasia, a inšyja hruzaviki i aŭtobus paśpieli adjechać da taho, jak ahoń razhareŭsia. Pavodle infarmacyi dziaržSMI, zharełaja fura mieła biełaruskuju rehistracyju. Pra paciarpiełych kiroŭcaŭ hruzavikoŭ nie paviedamlałasia, imavierna jany pakinuli kabiny.
U aŭtobusie sapraŭdy byli vybityja vokny, ale, mabyć, heta adbyłosia ŭ vyniku vybuchovaj chvali ad udaru pa fury DAF, a nie ad pramoha ŭdaru.
Što było ŭ fury DAF, jakaja ŭ vyniku ŭdaru zhareła, nieviadoma. Ale spačatku paviedamleńnie pra ŭdar pa aŭtobusie źjaviłasia ŭ šerahu rehijanalnych i bujnych rasijskich ŚMI. I jany čamuści ŭvohule zmaŭčali pra furu, zatoje naŭmysna zrabili akcent na cyvilnym aŭtobusie.
U pieršyja hadziny zdymki paškodžanaha aŭtobusa nie publikavalisia (nieŭzabavie stała zrazumieła, čamu — udaru pa łabavoj častcy, jak było ad pačatku zajaŭlena, nie było), a zatym źjavilisia fejkavyja fota biełaruskaha aŭtobusa, imavierna, stvoranyja z dapamohaj štučnaha intelektu. Na fejkavym zdymku vyjaŭleny aŭtobus vydumanaj kampanii Intercars, a nasamreč incydent adbyŭsia z aŭtobusam transpartnaj kampanii «Stalica».
«Takim čynam, možna śćviardžać, što sietka rasijskich ŚMI i telehram-kanałaŭ śviadoma raspaŭsiudziła chłuśniu, paviedamiŭšy pra metanakiravany ŭdar pa łabavoj častcy biełaruskaha aŭtobusa, i pry hetym schavała realnuju karcinu padziej», — zaklučaje «Fłahštok».
Pasažyry aŭtobusa Minsk — Anapa, u jaki trapiŭ dron pad Branskam, raskazali, što adbyvałasia
Valfovič nazvaŭ vybuch drona kala aŭtobusa vypadkovym, ale pozna. Prapahanda paśpieła znajści vinavatych i ablić uvieś śviet dziarmom
Valfovič pra vybuch drona kala biełaruskaha aŭtobusa: «Heta była čystaja vypadkovaść»
Sakratar Rady biaśpieki zaklikaŭ biełarusaŭ nie jeździć u Rasiju
Va Ukrainie situacyju ź biełaruskim aŭtobusam u Branskaj vobłaści nazvali «śviadomaj pravakacyjaj rasijan»
Ciapier čytajuć
Hałoŭnaja redaktarka homielskaj rajonki pakajałasia za toje, što abvinavaciła hurt «Drazdy»13
Kamientary