Piva «Minskaje Staličnaje» vypuściŭ rasijski zavod «Trochsosienski». Na tematyčnych sajtach napoj atrymaŭ nieadnaznačnyja vodhuki ad spažyŭcoŭ, piša «Lusterka».
Jak śćviardžaje vytvorca, u im «bieražliva zachavanyja biełaruskija tradycyi pivavareńnia i dadadziena notka staličnaj navizny».
Hatunak łahier vypuściŭ pryvatny zavod «Trochsosienski», jaki znachodzicca ŭ horadzie Dzimitraŭhrad Uljanaŭskaj vobłaści.
«Minskaje Staličnaje», u afarmleńni jakoha vykarystana biełaruskaja dziaržaŭnaja simvolika, atrymała supiarečlivyja vodhuki pakupnikoŭ.
Adny spažyŭcy chvalać napoj, inšyja ž, naadvarot, krytykujuć jaho za «nadmiernuju lohkaść i razbaŭlenaść».
«Lohkaja piŭnaja vadzička ad «Trochsosienskaha», ale biez prysmaku škarpetak i inšych minusaŭ», — padzialiŭsia svaim mierkavańniem na sajcie internet-kramy «Krasnoje & Biełoje» karystalnik Dźmitryj.
Papularnaja sacyjalnaja sietka dla amataraŭ piva Untappd acaniła «Minskaje Staličnaje» na 2,65 zorki ź piaci. Takuju adznaku napoj atrymaŭ na padstavie 465 vodhukaŭ.
«I navošta ja tolki ŭziaŭ heta, dy jašče i ŭ takoj kolkaści? Bolš nie budu. Choć i nie zusim užo dla rakaviny. Prosta smak rehijanalnaha raźliŭnoha piva», — adznačyŭ karystalnik Untappd Mikałaj Drazdoŭ.
Nahadajem, što pavodle vynikaŭ pieršaha paŭhodździa 2026 hoda Biełaruś zachoŭvaje lidarstva siarod najbujniejšych krain — pakupnikoŭ rasijskaha piva.
Ciapier čytajuć
Hety biełarus daśleduje rak — voś što jon kaža pra SPF ad miełanomy, navukovy prahres i samy składany ŭ lačeńni rak3
Kamientary