Papiarednie, pryčyna śmierci sienatara-respublikanca ad amierykanskaha štata Paŭdniovaja Karalina Lindsi Hrema — rassłajeńnie aorty ŭ vyniku ateraskleratyčnaha sardečna-sasudzistaha zachvorvańnia. Pra heta paviedamiła pres-słužba palityka.
«Paśviedčańnie ab śmierci budzie zastavacca ŭ statusie «ŭ pracesie afarmleńnia» da zaviaršeńnia ŭsich taksikałahičnych i mikraskapičnych daśledavańniaŭ, paśla čaho jano budzie abnoŭlena z ulikam pryčyny śmierci i adpaviednaj kłasifikacyi abstavin śmierci», — dadali tam.
Hrem pamior 11 lipienia ŭ Vašynhtonie. Da svajoj raptoŭnaj śmierci palityk byŭ ź vizitam va Ukrainie i naviedaŭ vytvorčaść abaronnaj kampanii SkyFall, jakaja vyrablaje drony roznaha pryznačeńnia. U miežach pajezdki Hrem taksama sustreŭsia z prezidentam Ukrainy Uładzimiram Zialenskim. Razam ź im u Kijeŭ pryjazdžaŭ člen Pałaty pradstaŭnikoŭ ZŠA, hanarovy staršynia Kamiteta zamiežnych spraŭ Majkł Makoŭł, piša «Suśpilnie».
Hrem pradstaŭlaŭ Paŭdniovuju Karalinu ŭ Sienacie ZŠA z 2003 hoda. Jon uznačalvaŭ biudžetny kamitet Sienata, a taksama ŭvachodziŭ u skład kamitetaŭ pa asihnavańniach, sudovych pytańniach, navakolnym asiarodździ i hramadskich rabotach.
Da abrańnia sienataram palityk pracavaŭ u Pałacie pradstaŭnikoŭ ZŠA i bolš za 30 hadoŭ słužyŭ u Vajenna-pavietranych siłach i reziervie ZŠA.
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami9
Kamientary