«Ja asasin, bł*!» Ekśpiert-juryst z STB nieadekvatna pavodziŭ siabie na Zybickaj. Videa sabrała miljony prahladaŭ — chto jon
Alaksandr Kaściukievič zapomniŭsia minčukam, jakija adpačyvali ŭ centry stalicy. Paznać jurysta nieskładana: jon u tym ža pinžaku, u jakim vychodziŭ u efir.
U internecie źjaviłasia videa, u jakim niemałady čałaviek pavodzić siabie nieprystojna ŭ centry Minska. Jon łajecca, vypivaje na vulicy, pakazvaje siaredni palec i vyhladaje nie zusim adekvatnym. Padziei adbyvalisia na Zybickaj.
Adno ź videa stała virusnym i nabrało bolš za 4 miljony prahladaŭ u instahramie.
Aściarožna, niecenzurnaja łajanka!
U hieroi my paznali jurysta Alaksandra Kaściukieviča. Hadami jon jak pastajanny hość efiraŭ STB vystupaŭ pierad hledačami jak ekśpiert: tłumačyŭ źmieny ŭ Kryminalnym kodeksie i KaAP, raskazvaŭ pra padatki, bijamietryčnyja pašparty, sprečki z susiedziami ci praviły dla taksistaŭ. Apošni raz jon byŭ u efiry STB u 2023 hodzie.
Miarkujučy pa ŭsim, Kaściukievič u minułym — štatny juryst hrupy kampanij «ReałBos», jakaja z 2009 hoda handluje hatovym biznesam. Kaściukievič, pavodle resursaŭ kampanii, užo šmat hadoŭ supravadžaje značnuju častku ździełak.
Firma rabiła z televizijnaj viadomaści svajho jurysta markietynhavy kozyr: siarod svaich pieravah jana asobnym punktam paznačała, što «našy jurysty — kansultanty papularnych TB-prahram».
Kamientatary pad videa raskazvajuć pra dramatyčny razvod Alaksandra, jaki i pryvioŭ jaho da takoha vyhladu, ale pravieryć ich śćvierdžańni niemahčyma.
«Naša Niva» — bastyjon biełaruščyny
PADTRYMAĆCiapier čytajuć
U Pskovie rasijanin zabiŭ biełarusa Valeryja za toje, što toj patrabavaŭ pavažać biełaruskuju nacyju6
Kamientary