Kiraŭnik polskaj raźviedki nazvaŭ klučavuju ŭmovu dla palapšeńnia adnosin ź Minskam
Polskija i biełaruskija śpiecsłužby majuć naładžanyja kanały suviazi. Pra heta ŭ intervju Rzeczpospolita paviedamiŭ pałkoŭnik Pavieł Šota, kiraŭnik Ahienctva raźviedki Polščy, piša Reform.news.
«Ahienctva raźviedki adyhrała klučavuju rolu ŭ vyzvaleńni Andžeja Pačobuta. U hetym vyrašalnaje značeńnie mieła mižnarodnaje supracoŭnictva, u tym liku z sajuźnikami. Padziaka Andžeja Pačobuta stała dla našych aficeraŭ nadzvyčaj kaštoŭnaj. Dadam, što ciapier u nas naładžanyja vyraznyja kanały suviazi ź biełaruskimi śpiecsłužbami», — skazaŭ jon, adkazvajučy na pytańnie pra rolu raźviedki ŭ vyzvaleńni Pačobuta.
Šota padkreśliŭ, što Varšava padtrymlivaje kantakty ź Minskam samastojna.
«My padtrymlivajem ich sami. Naš namier — abmiarkoŭvać ź biełaruskim bokam usie pytańni, jakija mohuć spryjać umacavańniu našaj biaśpieki. Unikalnaja rola raźviedki zaklučajecca ŭ stvareńni nadziejnych kanałaŭ suviazi tam, dzie dypłamatyja niemahčymaja abo ŭskładnienaja. Vykarystoŭvajučy kanały śpiecsłužbaŭ, lepš sustrakacca z pradstaŭnikami režymu Łukašenki, abmiarkoŭvać pytańni i atrymlivać karyść dla Polščy, čym biaździejna nazirać, jak Rasija «pahłynaje» Biełaruś», — adznačyŭ jon.
Varta adznačyć, što Šota faktyčna paćvierdziŭ słovy kiraŭnika biełaruskaha KDB Ivana Cierciela. U śniežni minułaha hoda Cierciel zajaŭlaŭ, što z Polščaj viadziecca dyjałoh, i vykazvaŭ upeŭnienaść, što jon pryniasie vynik.
Kiraŭnik Ahienctva raźviedki taksama paviedamiŭ, što ciapier klučavym elemientam dyjałohu ź Minskam źjaŭlajecca vydača padazravanaha ŭ zabojstvie polskaha sałdata Matevuša Siteka.
«Heta adzin z klučavych elemientaŭ ciapierašniaha dyjałohu ź Minskam. Na maju dumku, biez prahresu ŭ hetym pytańni budzie składana zrabić nastupnyja kroki pa palapšeńni polska-biełaruskich adnosin», — skazaŭ jon.
Niadaŭna polskija ŚMI paviedamlali, što rasśledavańnie hetaha zabojstva było prypyniena. U śniežni minułaha hoda polski bok nakiroŭvaŭ Biełarusi zapyt ab vydačy padazravanaha, adnak jon zastaŭsia biez adkazu.
U intervju Šota taksama vykazaŭ upeŭnienaść, što polskija śpiecsłužby zdolnyja supraćstajać dziejańniam biełaruskich i rasijskich śpiecsłužbaŭ. Pry hetym rasijskuju raźviedku jon ličyć bolš niebiaśpiečnaj.
«Dziejańni rasijskaj raźviedki ŭjaŭlajuć saboj dziaržaŭny teraryzm. Adnak u Ahienctvie raźviedki my nie ihnarujem pahrozy i ź inšych napramkaŭ», — skazaŭ jon.
Jašče adnoj temaj intervju, jakaja datyčyła Biełarusi, stała raźmiaščeńnie kompleksu «Arešnik». Šota nie daŭ pramoha adkazu na pytańnie, ci byŭ rakietny kompleks užo pieramieščany na terytoryju Biełarusi.
«Mianie niepakoić imknieńnie Rasii padparadkavać sabie biełaruskija ŭzbrojenyja siły. Prykładam hetaha źjaŭlajecca pahadnieńnie ab sumiesnych harantyjach biaśpieki, jakoje stavić Rasiju ŭ pryvilejavanaje stanovišča. Toj fakt, što Rasija vykarystała terytoryju Biełarusi na pačatku vajny va Ukrainie, śviedčyć pra toje, što Kreml źjaŭlajecca daminujučaj siłaj u hetym partniorstvie. Tamu sama padrychtoŭka infrastruktury, pastaŭka ŭzbrajeńniaŭ dla nośbitaŭ jadziernaj zbroi i infarmacyjnyja zajavy pra jaje raźmiaščeńnie prymušajuć nas vielmi surjozna stavicca da hetych pytańniaŭ», — skazaŭ jon.
Kamientary
Vyhladaje, što i hetym za tak pradali ideju, što treba dapamahčy biednamu Łukašenkie adbicca ad Pucina. Sumna.
Dažie Polša vidit v chitrazačiesie dohovorosposobnoho
Chotia tipičnyj kołabarant łukazienko kakich za stoletija było kuča v Biełarusi