U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać

Natalla Hryharenka zapomniłasia biełarusam svaim učynkam. Dziaŭčyna skončyła fakultet fiłasofii i sacyjalnych navuk BDU ŭ 2021 hodzie — stała psichołaham. U toj čas dekanam fakulteta byŭ prapahandyst Vadzim Hihin.

Na ŭračystuju cyrymoniju ŭručeńnia dypłomaŭ Natalla pryjšła ŭ vyšyvancy. Dziaŭčyna, jakuju zatrymlivali na adnym z žanočych maršaŭ u 2020 hodzie, paciskać ruku Hihinu nie zachacieła pryncypova.

«Kali ja išła nasustrač dekanu, mnie padałosia, što jon źmianiŭsia ŭ tvary i razzłavaŭsia. Jašče na padychodzie da dekana ja zajaviła, što ruku paciskać nie budu. Jon skazaŭ niešta nakštałt «nu i nie treba», — raspaviadała potym vypusknica.

Pavialičyć

Potym Hihin usio roŭna pasprabavaŭ schapić dziaŭčynu za ruku, kali addavaŭ dypłom — ale jana vyviernułasia. Prapahandyst, vidavočna, byŭ nie rady.

Natalla atrymała hryn-kartu i pierajechała ŭ ZŠA — ciapier jana žyvie ŭ Ńju-Jorku. U dziaŭčyny jość dva varyjanty: praciahnuć adukacyju ci vyjści pracavać pa śpiecyjalnaści, tym bolš, što prapanova pracy ŭžo jość.

Ale i ŭ adnym, i ŭ druhim varyjancie Natalli nieabchodna evaluiravać dypłom BDU (heta acenka dakumienta ab adukacyi, kab skłaści aficyjnuju charaktarystyku zhodna z amierykanskim standartam) — a z hetym uźnikli składanaści.

U videa ŭ tyktoku Natalla ledź strymlivaje ślozy:

— Ja sprabavała źviazacca z BDU ŭsimi mahčymymi sposabami. Ja źviazvałasia sa svaimi byłymi vykładčykami, kab choć niechta mnie dapamoh z paćviardžeńniem dypłoma.

Dziaŭčyna aburana tym, što zapłaciła šmat hrošaj za svaju adukacyju — a ŭ vyniku ŭniviersitet, jaki tyja hrošy atrymaŭ, admaŭlajecca paćviardžać dypłom.

@natasha_soft_psy

BHU, fakultiet fiłosofii i socialnych nauk

♬ orihinalnyj zvuk - PSICHOŁOH|ONŁAJN

— Jość kampanii, jakija źviazvajucca ź instytutami za hrošy — tamu, što ŭ ich jość svaje kanały suviazi. Ja źviazałasia z takoj kampanijaj — jana pracuje z 30 VNU ŭ Biełarusi, ale z BDU — nie, tamu što BDU admaŭlajecca paćviardžać dypłomy.

Natalla emacyjna kaža, što jaje dypłom zaraz možna vykinuć u śmiećcie, bo heta prosta kardonka. Jana škaduje, što paśla škoły nie stała pastupać u VNU za miažu praz składanyja siamiejnyja abstaviny.

Kali Natalli było 17 hadoŭ, pamior jaje tata:

— Mnie było škada kidać svaju maci, jakaja praz dva hady taksama pamierła. I ciapier u mianie niama ničoha! Ja zmahła atrymać hryn-kartu, ja pierajechała ź dźviuma koškami i čamadanam. Ja zmahła! A atrymać paćviardžeńnie ad BDU ja nie mahu. Dziakuj vialiki!

• 1
• 0
• 3
• 9
• 1
• 25
• 43
• 1