U minskim aeraporcie zapuścili testavańnie servisu pa samastojnaj rehistracyi i zdačy bahažu

Sistema ŭjaŭlaje saboj stojku samarehistracyi (self check-in) i dva nievialikija kijoski z funkcyjaj samastojnaj zdačy bahažu (drop-off), ustanoŭlenyja na stojkach rehistracyi №33—34 (infarmacyja pra miescy zdačy bahažu dadatkova budzie vyvodzicca na manitory hetych stojek).

Stojka samarehistracyi raźmieščana ŭ zonie vyletu ( 3‑ci pavierch) u rajonie ŭvachodu 3—4, u niepasrednaj blizkaści ad stojek rehistracyi №33—34.

Na startavaj staroncy stojki samarehistracyi buduć prapanavany try varyjanty:

Pavialičyć

— zarehistravacca na rejs (dla pasažyraŭ, jakija zahadzia nie prajšli anłajn-rehistracyju),

— samastojnaje afarmleńnie bahažu (dla pasažyraŭ, jakija majuć pasadačny tałon i žadajuć zdać bahaž),

— razdrukavać pasadačny tałon (dla pasažyraŭ, jakija zahadzia prajšli anłajn-rehistracyju).

Pavialičyć

Pry samastojnaj rehistracyi pasažyr ubačyć instrukcyju z paradkam dziejańniaŭ na ekranie ŭ zaležnaści ad nieabchodnaj opcyi.

Kali sistema raspaznaje dakumienty pasažyra jak tyja, što patrabujuć dadatkovaj pravierki, budzie prapanavana źviarnucca da stojki rehistracyi. Paśla razdrukoŭki pasadačnaha tałona možna pierajści da opcyi samastojnaha afarmleńnia i zdačy bahažu abo nakiravacca ŭ punkt dahladu dla prachodžańnia pieradpalotnych pracedur, kali taryf nie ŭklučaje pieravozku bahažu. Da samastojnaj zdačy nie dapuskajecca niehabarytny bahaž.

Pry samastojnym afarmleńni bahažu taksama nieabchodna prytrymlivacca instrukcyj na ekranie.

Pobač sa stojkaj raźmieščany vahi dla vyznačeńnia vahi bahažu. Pasažyru budzie prapanavana paćvierdzić adsutnaść niebiaśpiečnych hruzaŭ.

Pry vykanańni ŭsich instrukcyj aŭtamat vydaść bahažnuju birku, jakuju nieabchodna nakleić na valizu abo sumku zhodna ź vizualnaj pamiatkaj. Dalej sistema prapanuje pierajści da kijoska samastojnaj zdačy bahažu, jaki raźmieščany sprava, na stojkach rehistracyi №33—34. Pry samastojnaj zdačy bahažu pasažyr ubačyć instrukcyju z paradkam dziejańniaŭ na ekranie kijoska. Nieabchodna pastavić bahaž na transparcirovačnuju stužku, adskanavać bahažnuju birku i pravieryć danyja, jakija źjaviacca na ekranie. Kali ŭsio pravilna, bahaž možna adpraŭlać.

Zarehistravacca na rejs možna budzie za 24 hadziny da vyletu, zdać bahaž — za 2 hadziny da vyletu.

Servis zapuskajecca sumiesna z avijakampanijaj «Aerafłot» i ŭ supracoŭnictvie z kampanijaj «Biźnies Trevieł». U bližejšy čas servis budzie raspaŭsiudžvacca tolki na rejsy avijakampanii «Aerafłot»

• 0
• 0
• 0
• 0
• 0
• 0
• 1
• 0