Rasija pačała stavić antydronavyja «manhały» na padvodnyja łodki Čarnamorskaha fłotu
Ukrainskija ŭdary dronami stanoviacca ŭsio bolš efiektyŭnymi, i rasijskim uzbrojenym siłam davodzicca abaraniać techniku ŭžo nie tolki na pieradavoj i akupavanych terytoryjach. Pavodle danych brytanskaj vajskovaj raźviedki, kratami ad dronaŭ stali zakryvać padvodnyja łodki na vajskova-marskoj bazie ŭ Novarasijsku, piša The Moscow Times.
Ukraina svaimi marskimi biezekipažnymi katarami faktyčna vyhnała Čarnamorski fłot Rasii z Kryma. Jaho bazaj ciapier staŭ Novarasijsk, dzie, jak śviedčyć praviedzieny Ministerstvam abarony Vialikabrytanii analiz spadarožnikavych zdymkaŭ, bajavyja rubki troch padvodnych łodak ciapier zakrytyja antydronavymi sietkami. Zdymki byli zroblenyja ŭ pieryjad z 6 pa 9 červienia.
Na adnym sa zdymkaŭ ad 9 červienia, jaki 2 lipienia raźmiaściła Minabarony Vialikabrytanii, bačnyja dźvie padvodnyja łodki ź sietkami. U kamientaryi raźviedčykaŭ viedamstva havorycca, što «amal dakładna» anałahičnuju abaronu nieŭzabavie atrymaje i čaćviortaja padvodnaja łodka, jakaja znachodzicca na bazie. Takija sietki ŭ rasijskaj armii nazyvajuć «manhałami»; ich staviać dla abarony ad dronaŭ, jakija palujuć za bajavoj technikaj, što znachodzicca za linijaj frontu.
Padvodnyja łodki kłasa Kilo (pa kłasifikacyi NATA), pra jakija pišuć brytancy, — heta dyziel-elektryčnyja padvodnyja łodki prajekta 877 «Pałtus» i ŭdaskanalenaj viersii prajekta 636 «Varšavianka». Jany źjaŭlajucca adnymi z samych cichich niaatamnych submaryn u śviecie, majuć 6 tarpiednych aparataŭ, zdolnyja zapuskać kryłatyja rakiety «Kalibr-PŁ», nieści minnaje ŭzbrajeńnie i pieranosnyja zienitnyja kompleksy.
U kamientary Minabarony Vialikabrytanii ŭdakładniajecca:
«Hetyja dziejańni praktyčna dakładna robiacca ŭ jakaści papieradžalnaj miery ŭ adkaz na ŭsio bolšuju zdolnaść Ukrainy paražać z dapamohaj BPŁA celi, jakija znachodziacca na addalenaści ad linii frontu».
Bazu ŭ Novarasijsku Ukraina raniej taksama atakavała, u asnoŭnym z dapamohaj marskich dronaŭ. Kab supraćstajać im, maraki pastavili ŭ vadzie zaharody. «Manhały» ž, pryznačanyja dla abarony ad pahroz z pavietra, śviedčać pra toje, što ciapier u Čarnamorskim fłocie bajacca i nalotaŭ BPŁA.
Paśla taho jak USU ŭzarvali padčas pavietranaj ataki Maskoŭski NPZ u Kapotni, kala jaho źjaviŭsia vidavočna źniaty z frontu zienitna-rakietny kompleks «Pancyr». Jon taksama byŭ abaronieny «manhałam».
Rasija pierakinuła dla abarony Maskvy kompleksy SPA z frontu
Epocha tankaŭ zaviaršajecca. Jak i čamu Ukraina choča viarnuć ich na pole boju
USU apublikavali videa źniščeńnia desantnych karabloŭ u buchcie Sievastopala
Niamiecki hienierał raskazaŭ, kudy NATA budzie najpierš bić pa Rasii ŭ vypadku kanfliktu
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam20
Kamientary
Tak što publikacyja ŭ Moscow Times -- heta ŭvačavidnaja "šlapa".
hotoviť horazdo prijatnieje i bystrieje :D