Na darozie da Biełaviežskaj puščy raźmietka i znaki buduć śviacicca
Na darohach Bresckaj vobłaści pravodziacca raboty pa pavyšeńni biaśpieki darožnaha ruchu. Asablivaja ŭvaha nadajecca abaronie piešachodaŭ i kiroŭcaŭ, asabliva ŭ ciomny čas sutak i pry niespryjalnym nadvorji, paviedamiła pres-słužba Mintransa.
Na aŭtadarozie R83 «Brest — Kamianiec — Nacyjanalny park «Biełaviežskaja pušča» pačali ŭkaraniać novuju sistemu padśvietki.
Z dapamohaj śviatłodyjodnych prajektaraŭ darožnyja znaki i raźmietka buduć adlustroŭvacca niepasredna na prajeznaj častcy. Heta pavinna zrabić ich bolš prykmietnymi ŭnačy, a taksama padčas tumanu ci daždžu, što dapamoža pavysić biaśpieku ruchu.
Raniej na hetaj samaj darozie ŭžo źjaviłasia tak zvanaja muzyčnaja daroha. Jana stvaraje miełodyju pry ruchu aŭtamabila z peŭnaj chutkaściu i słužyć dadatkovym srodkam dla pryciahnieńnia ŭvahi kiroŭcaŭ.
Kamientary