Pjany kiroŭca arandavanaha aŭto zładziŭ honki pa minskich vulicach
U Minsku supracoŭniki DAI zatrymali 47‑hadovaha mužčynu, jaki ŭ niećviarozym stanie kiravaŭ karšerynhavym aŭtamabilem, nie spyniŭsia pa patrabavańni inśpiektaraŭ i akazaŭ supraciŭ pry zatrymańni.
Paviedamleńnie pra mahčyma niećviarozaha kiroŭcu pastupiła na liniju «102». Vidavočca paviedamiŭ, što pa vulicy Leanida Biady ruchajecca aŭtamabil Volkswagen, za rulom jakoha, vierahodna, znachodzicca pjany čałaviek.
Supracoŭniki DAI ŭbačyli aŭtamabil na vulicy Surhanava i padali sihnał ab spynieńni, adnak kiroŭca praihnaravaŭ patrabavańnie i pasprabavaŭ uciačy. Padčas pieraśledu jon nieadnarazova parušaŭ Praviły darožnaha ruchu, a na skryžavańni vulic Jakuba Kołasa i Surhanava ŭrezaŭsia ŭ darožnuju aharodžu.
Pry zatrymańni mužčyna akazaŭ supraciŭ siłavikam, ale byŭ zatrymany. Miedycynski ahlad pakazaŭ, što ŭ jahonym arhaniźmie było bolš za 2 pramile ałkaholu.
Za nievykanańnie patrabavańnia ab spynieńni, što pryviało da pieraśledu, i niepadparadkavańnie supracoŭnikam siłavych struktur mužčyna aryštavany na 30 sutak. Akramia taho, za kiravańnie aŭtamabilem u stanie ałkaholnaha apjanieńnia jamu pahražaje štraf u pamiery 200 bazavych vieličyń i pazbaŭleńnie prava kiravańnia transpartam na piać hadoŭ.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary